國際赛期過後,本週回歸聯賽,英超重頭戲當然是兩大班霸,對唔住,應該話兩大過氣班霸曼聯-利物浦對壘。
英超已踢了四週賽事,曼聯跟阿仙奴及利物浦同樣以7分並列第5位,以成績來說,算是不過不失; 但有睇比賽的朋友,應該都會同意這3隊傳統強隊其實都欠缺銳利感,只能靠防守去搶分,進攻方面可能還比不上一些中游份子,3隊加起來共6場赢仗全部只能以1球險勝對手。
曼聯自從費格遜退休後,霸氣立即完全消失,令人望而生畏的奧脱福威力已成歷史,不得不對費sir致敬。球隊今季於前線放走了雲佩斯,小豆及借將法卡奧,只靠朗尼單天補至專,但經過4場賽事,狀態低沉的隊長仍未找回射門鞋,嚴重影響曼聯的攻擊力,而支援朗尼的3人,初出道被捧上天的贊奴沙已外借,而開季前吹到勁爆荷甲,射罰球又話可與碧咸齊名的迪比,只能於歐聯外圍賽欺負弱小的對手,於英超暫未見到過人之處,希望適應英超的風格後可踢回應有水準。只有馬達表現較穩定,但以其一人之力去支撑整個進攻體系,又未去到這個級數。往後的賽事,真的要看看被稱為新亨利的安東尼馬迪爾能否踢出其高達3600萬鎊的身價了,但坦白講,以一個19歲的年青人,背負著如此天價,其壓力之大絕非你我可以理解,相信要一段較長時間才可適應,故暫宜觀望。球隊進攻不濟,唯有寄望防守,還好今季簽入的防守球員,不論是門將羅美路,右閘達美安,還是防中舒尼達連和小豬,都表現可人,而中堅史摩靈亦大勇大熟,球隊防守力尚算可靠。
利物浦方面,之前已詳盡分析新球員,不再重覆了。球隊目前防守的確比上季進步了,尤其是左右兩閘,不用再像上季般俾對手於邊線輪姦。中堅方面,上季水貨路夫雲今季受契爺重新重用(似乎想話俾人聽自己無入錯貨),頭3場的確漸打出水準,俾到一點希望我,誰不知上場對韋斯咸突然C朗上身,個人帶波推過中場線,再來兩吓田雞式插花,結果不用我說了。另一球於角球旗附近又遲遲不肯解圍,結果又俾人搶到後射入埋。如果不是這位中堅信心過份爆棚,是否會輸3球無人知,現在最怕經此一役,其信心又會像上季般跌至谷底,可能沙高係時候出來證明實力了。但利物浦現時最大問題始終是攻力不足,經過夏天簽入一衆攻擊手後,似乎值得期待,但踢過幾場波後,仍是倚賴古天奴這個發電機的傳送,而今場古仔停赛,這責任應落在仍未上力的法明奴,和後上的占士米拿身上。其實個人希望用丹尼京斯拍賓迪基,以京斯的不停跑動拉開對手防線,制造空間給賓迪基去射門,今場於中路相信同樣會用盧卡斯頂住防線,配合米拿和可能復出的軒仔或安尼簡,應該可頂得住進攻不算强的曼聯。
比數方面,希望利物浦可做到不失球,個人推介 0:0 和利物浦勝1:0 (唔好鬧我,利迷當然偏幫利物浦啦!)
今個星期嘅賽程都幾吸引,拖肥對車仔、阿奴對史篤、水晶對曼城,及双紅會。 國際賽後,強隊的主力體能將成關鍵,至此,小弟頗替車迷擔心。尤其不難發現,上年車仔失分最多之時,乃正值多線作賽(聖誕快車到新年),其後歐冠"不幸"出局及曼城跌watt,才得以保持專注,成功領出奪冠。
回覆刪除至於回應一下主題,個人感覺今次双紅應該不會和波,利記三旦敗仗後能反彈取勝,貫徹他們的海鮮水準,哈哈。
哈哈,我唔介意利記大勝一場,
刪除最多買過個眼鏡
其實利記如果中場齊人真係大勝唔奇,紅魔朗尼傷咗,之後只有21歳迪比同19歲,之前好似只喺摩落哥打過唔夠十場全場senior賽既安東尼(2條友成差不多7千萬鎊,但可能要等兩三年先有收成),對比利記有入球保證既賓迪基,利記中前場有贏面。再睇紅魔後防,你估賓迪基怕Smalling 定以前既維迪同費典南?我諗佢有信心會入波,差在成隊點配合俾佢發揮。
刪除啱啱出咗成個禮拜trip返嚟,一睇偉高手札發覺好睇咗,唔知係咪同小咗D鬼同問no.有關呢?
回覆刪除呢個週末好期待呀,雙紅大戰,氣氛依舊,點會過氣呢?唔知大家大戰前有冇睇傷患名單習慣呢?我會睇呢個,聽講佢哋有人真係去睇各隊操練,比較準:
http://www.physioroom.com/news/english_premier_league/epl_injury_table.php
利記好似中場有幾多傷兵,而曼聯反而同西班牙門神續約成功。至於愛隊車仔,無端端個比利時門神半月板有事要休養起碼十週,仲要個個打完國際賽尋日先番,又要踼最早嗰場,對拖肥糖極具挑戰性,又不容有失!
羅渣士通常在多傷兵時表現更好,
刪除因為佢咁樣先肯求變,
又通常俾佢變D好野出來,
今晚期待丹尼京斯正選上陣
作者已經移除這則留言。
回覆刪除作者已經移除這則留言。
刪除作者已經移除這則留言。
刪除YNWA!! 1:0 Red Army Win!! ^^
回覆刪除信徒兄,你篇文寫得幾好啊! 文筆流暢、有觀點! 比現在的報紙佬好很多。近年的體育板不好看,只有賠率。有點懷念小時候的體育板
回覆刪除多謝長投兄,小弟好少寫野,所以一篇咁既文章都要用一至兩小時才可完成(包括找到新資訊又更新一下),如果寫完無人睇真係幾失望㗎,有人欣賞,動力立即回來。不過小弟無乜墨水,可能寫多幾篇就露底了。同埋無可能每次都長篇大論,可能有兄弟會覺得咁多字好煩。
刪除朗尼難成大器,利記SURE WIN
回覆刪除Haha, Phone兄,其實朗尼已成大器,
刪除但已開始謝謝地,打唔返早兩三年既水準了
車仔又失两球,看来联赛肯定無望,望能,保前四!
回覆刪除攪乜呀車仔,3:1添,摩連奴又要準備揾工了
刪除可以以慘不忍睹來形容。
刪除莫非摩佬擺脫不了三年一新工魔咒?
終於喺呢邊見到偉哥踪影,
刪除一陣睇埋利記赢波先瞓喎
摩連奴真係未試過咁差既紀錄,豆腐後防?成隊完全唔惦,啞晒!下場歐聯對魚腩希望贏番啲信心,跟住仲要對兵工廠,不能有失.....
刪除頭先去左睇皇馬....兵強馬壯的皇馬,應該可以讓賓SIR貫徹佢的輪換政策。
刪除睇好今年皇馬可以重奪西甲。
車仔周中打歐聯,然後下星期對兵工廠,如果兩場無法最少勝一場,摩佬危矣。
刪除啱啱先續約,唔好掛!希望油王俾D耐性,亦希望奧斯卡快D出番嚟頂替廢比卡斯。既然中場控制唔到,倒不如放Zouma代替米基打防中仲好
刪除可唔可以講粗口
刪除隨便啦....哀莫大於心死。
刪除車仔似乎還要多些時間才能走出低潮....
刪除Btw,偉哥,小弟對賓帥的操盤真的不敢恭維,始終不明當年為何可以帶領華倫在西甲奪冠,所以今年西甲我都係比較睇好巴塞。
門將差D送大禮....好彩紅魔是廖化作先鋒,水鬥水。
回覆刪除米奴烈.....仲係間中發神經,好在對手前鋒叫費明尼.......
刪除如果車仔右閘叫佳尼就好啦........
始終覺得賓迪基對住Smalling係有機會既
未到半場, 已經悶到想瞓。
刪除褐色的雙紅會,兩隊加埋好似仍未有一脚中門的射門。.....
連火藥味都冇,可能多新丁zzzzzzz
刪除真係好懷念08/09球季,由場內鬥到場外,緊湊、火藥味十足。
刪除此情此景不再。
基本上BR領軍的賽事我而家一季都唔知有冇睇10場。
我黎緊都唔睇啦...情願睇下其他球隊...睇得仲開心仲有章法...
刪除而家仲好慶...訓唔著
上半場真係悶到拎部電話出黎打機,還好下半場幾好睇,入球又精彩,賓基車身倒掛未夠喉?馬迪爾如入無人之境的入球亦非常靚,係唔滿意個賽果啫
刪除好同意信兄所講。
刪除3600萬鎊買個19歲的,聽落都覺得好離譜,值唔值呀?
睇完個入球....依...有d料到....唔通真係堅?放長雙眼睇啦!
今晚歐聯,曼城主場對祖雲達斯,
回覆刪除本應看好祖仔,但近況真係太差,
相反曼城連續5場英超零封對手,
變成一場好難估計的賽事,
大家有咩睇法?
曼城小勝一球。
刪除祖記中場大換血兼冇態,開季3仗輸2場和1。中場應該曼城玩晒,我睇曼城贏,2粒唔算多, 但我想車仔借將干達度入波^-^
刪除又一地眼鏡碎,曼城咁都輸得,真是踢親歐聯都唔惦。
刪除哈哈,眼鏡碎晒
刪除雙方近況有咁大對比,而且有主場之利,
刪除都俾人反勝,究竟英超水準係唔係差成咁,
同十年前喺歐洲打横行相比,
真係跌得咁緊要?曼聯連荷甲隊都輸埋,
無眼睇...
Joe兄,今晚車廠打吡,有咩睇法?
回覆刪除Mj Tw 好似係廠迷,今晚同joe兄牙餃戰喎,
回覆刪除以車仔近況,正常撑阿仙奴,
不過其實阿仙奴都唔叻得幾多
伊凡會出,Cech 倒伐,兵工廠對上七仗客傷全勝,但車仔之前摩連奴聯賽未輸過俾雲加,50/50,唔知應該點睇
刪除Chelsea XI: Begovic; Ivanovic, Zouma, Cahill, Azpilicueta; Matic, Fabregas; Pedro, Oscar, Hazard; Diego Costa
Arsenal XI: Cech; Bellerin, Gabriel, Koscielny, Monreal; Coquelin, Cazorla, Ramsey, Ozil, Alexis; Walcott
兩隊近況都"不俗",禾仔打前加上以雲加保守性格,作客一分相信是他的心中的底縕。今場和味濃。
刪除開賽了二十分鐘,發展進程如料。
點解睇親車仔都係李榮基講波?!聽英文好過!車仔奧斯卡復出助攻助守對板,成隊狀態,傳送同攔截都好番D。上半場車仔形勢好D,如果對手再側重左路進攻既話,威脅應該唔大。不過嗰個紅牌都幾無辜.....
刪除只能說優勝劣敗,一面倒的對賽勝率不是偶然,縱沒有紅牌,也看不出兵工有拼盡必勝的心態和板斧。
刪除或許是周中的紅牌引至疲勞、或許已擁有最強陣容不必補充球員、或許...有太多美麗藉口。
其實我都睇唔到紅牌嗰腳,只知道球証睇到,再問完旁証之後就出紅牌。見到嘉比領紅之後想找同鄕Costa晦氣,情況令我想起3屆世盃4強英國對葡萄牙,朗尼被隊友C朗出賣而被領紅一樣。
刪除Costa係有目的地撩事鬥非,係犯眾憎架。佢上次領紅係2012年,嘉比仔以為同鄕做和事佬領黃再領紅,有點兒似當年朗尼咁,有點Naive.....
睇重播係見到隻腳有好輕輕的向後提起,
刪除但個人覺得又不致於要食多一張黄牌而出場,
嗰脚連3歲細路都唔會覺得痛。
另一場韋斯咸真係唔識評論,
作客連贏阿仙奴利物浦都仲可以解釋兩强狀態差,而家連狀態最好的曼城都赢埋,攪乜?最奇怪係主場又連敗給下游隊,你玩哂啦!
據我所見,果腳應該係直紅,你話好唔好笑。
刪除而韋咸呢隊,你真係估佢唔到。
http://pcm.my-magazine.me/main/News/13146 蝕住做? 傳聞英超轉播新東家嘅月費係.
回覆刪除唔知堅定流
"惡性"競爭絕對是球迷之福,哈哈!
刪除作者已經移除這則留言。
回覆刪除車仔止跌
回覆刪除:0)
Mike Dean 正一盲x
利物浦昨晚大半隊正選,又主場出擊,面對英乙球隊,竟然要打到互射12碼,仲要二號龍保丹球到3球,先可過關,睇黎羅生真係神仙難救,大家利迷準備迎接新領隊喇
回覆刪除祝福想換帥的利記迷,未來三場能來過痛快的敗仗,如我早幾年希望兵工跌出前4一樣。
刪除1:2 輸俾維拉應該夠。羅渣士現在係英超領隊被炒榜首名:5/4
刪除作者已經移除這則留言。
刪除長痛不如短痛,
刪除我都情願今晚赢唔到,
速戰速決,
不過最怕換來的不是高普,
而是大Sam之流,
咁就暈低
史獨靚波,利記福將歸來
刪除無啦
刪除蠃3-2
個後防咁屎,來緊嗰7場連場硬仗,睇黎兇多吉少,史獨可否場場起孖?
刪除羅渣士終於被炒,可靠消息話高普已同意3年合約,希望可以喺多蒙特執兩件好野過來
回覆刪除㳟喜晒!Daily Star 麻麻地可靠,希望遲D Sky 都報導埋出嚟,咁就堅料:
刪除http://www.dailystar.co.uk/sport/football/468314/Jurgen-Klopp-Liverpool-job-manager
其實高普應該會想教利記,看不見今明兩年比蜜蜂更有歷史、規模的球隊會隨意換領隊(英超四強、西甲双雄、拜仁),現時要睇利記有幾多誠意,靜待利記新官。
刪除至於車迷,真是冇嘢講,不妨睇下以下段片,尤其是1分10秒後,可能會好過D:
回覆刪除http://natterfootball.co.uk/2015/10/watch-chelsea-fan-has-meltdown-following-southampton-loss/
今季車迷真係比利更慘,利迷都可以話呢D成績已經預期之內; 但車仔貴為上屆冠軍,人腳可以話英超數一數二,又有頂級領隊,但居然8場賽事只得8分,係完全不接受的成績,Joe兄比較熟,有否睇車迷討論區?我想知你們一眾車迷有乜評論?
刪除遲過其他球隊開操一週,又買唔到人,醫生事件等等,嗰度D車迷都知因乜搞到咁,其實年多前已經有人指伊雲路域開始慢等等。依家反而最擔心領隊被炒,因為摩記喺我哋心目中仲係一個好好既領隊。有D人相信摩連奴係因為佢老豆健康問題影響情緒,帶唔起隊波。大家都覺得佢上仗賽後嗰段説話不恰當,有少少接近breakdown 感覺。希望佢老豆無事,而摩連奴可以恢復過來。
刪除連黃國英今日都用車仔嚟講組合管理,使唔使呀......
刪除車仔球員太累了,組織比較迂迴,少了突破,多了上腳。不過作為頂級球隊,低潮期應不會太長,我認為國際賽後,表現應會慢慢改善。
刪除我認同摩連奴係頂級好領隊,不過佢把口有時真係幾乞人增
刪除哈哈,有時睇佢窒雲加,都真係又愛又恨
刪除佢有邊個未寸過吖,費Sir, 賓尼迪斯.....寸雲加就真係好似食生菜咁,咁寸法一定要自尊心超強先得。真是唯有望佢帶番起隊波
刪除高普簽約了
回覆刪除HAHA, 而家已經幻想緊Reus,
刪除教成點要睇過先知,
但高普來到,肯定吸引到一大班女Fans睇利記,佢真係好型仔。
型仔? 我覺得佢啲鬍鬚似痴漢多啲..haha
刪除希望佢幫到手入前4 拉返紅魔落黎
國際賽期完喇,除了香港隊陳7做返齣好戲,還期待信徒兄不時嘅寫作呀~~
回覆刪除唔係話唔想寫,只係每週花咁多時間寫,但到頭來都係得我地三幾個人傾,寫到無乜心機
刪除都係,不過多有多寫,少有少寫吧^^,小弟及其後網友會支持你的。
刪除另外,寫作這方面覺得偉哥都算強,我見當年d post都無咩人有comment。
兵工打返場好波,不枉半夜凌晨開著部電腦捱眼訓。
回覆刪除希望兵仔繼續努力,幫英超隊爭返一口氣啦
刪除作者已經移除這則留言。
回覆刪除支持下先,剛睇完曼城對西維爾既歐聯精華,曼城都贏得好險...
回覆刪除積分榜已洗牌
回覆刪除季初睇好可衝冠的阿仙奴初賞榜首滋味,希望繼續努力,真的可以奪標。(哈哈!點解作為利迷會講呢D)
刪除打得十場,仲早
刪除通常十一月傷兵潮
二三月杯賽出局,聯賽失分
四月四大皆空
你撑邊隊呀?
刪除阿
刪除哈哈哈
哈哈!唔知以為你係阿仙奴敵人添
刪除昨天的大敗,難道真係要靠"三"天寶至尊這條中場線才能贏波?
刪除而家阿記好明顯係中場級數遠勝前鋒,所以先經常有人提及鞭屍馬和希古恩
刪除不幸言中,未到十一月,本周張伯倫禾確特掛彩
刪除右路料現缺口
呢場對近況麻麻的史雲斯還可應付,
刪除但週中再對拜仁就難攪D
雞湯上季兩挫阿仙奴的
刪除我覺得利都係太多10號了, 都用唔著.
回覆刪除古天奴太相信自己,唔太願意做先分波後射波(即近似NBA的控衛),根本唔適合做十號仔,而且射術其實又未到家,只係間中入一球靚波就當自己係射手,不如好好的交球靚波俾前鋒,等人家做最後一脚啦!
刪除努力趕緊寫新文章,希望趕到聽日出品
回覆刪除在茶記睇香港v中國
回覆刪除撐港隊