2015年9月10日 星期四

本週重頭戲- 曼聯 vs 利物浦

國際赛期過後,本週回歸聯賽,英超重頭戲當然是兩大班霸,對唔住,應該話兩大過氣班霸曼聯-利物浦對壘。
英超已踢了四週賽事,曼聯跟阿仙奴及利物浦同樣以7分並列第5位,以成績來說,算是不過不失; 但有睇比賽的朋友,應該都會同意這3隊傳統強隊其實都欠缺銳利感,只能靠防守去搶分,進攻方面可能還比不上一些中游份子,3隊加起來共6場赢仗全部只能以1球險勝對手。
曼聯自從費格遜退休後,霸氣立即完全消失,令人望而生畏的奧脱福威力已成歷史,不得不對費sir致敬。球隊今季於前線放走了雲佩斯,小豆及借將法卡奧,只靠朗尼單天補至專,但經過4場賽事,狀態低沉的隊長仍未找回射門鞋,嚴重影響曼聯的攻擊力,而支援朗尼的3人,初出道被捧上天的贊奴沙已外借,而開季前吹到勁爆荷甲,射罰球又話可與碧咸齊名的迪比,只能於歐聯外圍賽欺負弱小的對手,於英超暫未見到過人之處,希望適應英超的風格後可踢回應有水準。只有馬達表現較穩定,但以其一人之力去支撑整個進攻體系,又未去到這個級數。往後的賽事,真的要看看被稱為新亨利的安東尼馬迪爾能否踢出其高達3600萬鎊的身價了,但坦白講,以一個19歲的年青人,背負著如此天價,其壓力之大絕非你我可以理解,相信要一段較長時間才可適應,故暫宜觀望。球隊進攻不濟,唯有寄望防守,還好今季簽入的防守球員,不論是門將羅美路,右閘達美安,還是防中舒尼達連和小豬,都表現可人,而中堅史摩靈亦大勇大熟,球隊防守力尚算可靠。
利物浦方面,之前已詳盡分析新球員,不再重覆了。球隊目前防守的確比上季進步了,尤其是左右兩閘,不用再像上季般俾對手於邊線輪姦。中堅方面,上季水貨路夫雲今季受契爺重新重用(似乎想話俾人聽自己無入錯貨),頭3場的確漸打出水準,俾到一點希望我,誰不知上場對韋斯咸突然C朗上身,個人帶波推過中場線,再來兩吓田雞式插花,結果不用我說了。另一球於角球旗附近又遲遲不肯解圍,結果又俾人搶到後射入埋。如果不是這位中堅信心過份爆棚,是否會輸3球無人知,現在最怕經此一役,其信心又會像上季般跌至谷底,可能沙高係時候出來證明實力了。但利物浦現時最大問題始終是攻力不足,經過夏天簽入一衆攻擊手後,似乎值得期待,但踢過幾場波後,仍是倚賴古天奴這個發電機的傳送,而今場古仔停赛,這責任應落在仍未上力的法明奴,和後上的占士米拿身上。其實個人希望用丹尼京斯拍賓迪基,以京斯的不停跑動拉開對手防線,制造空間給賓迪基去射門,今場於中路相信同樣會用盧卡斯頂住防線,配合米拿和可能復出的軒仔或安尼簡,應該可頂得住進攻不算强的曼聯。
比數方面,希望利物浦可做到不失球,個人推介 0:0 和利物浦勝1:0 (唔好鬧我,利迷當然偏幫利物浦啦!)

95 則留言:

  1. 今個星期嘅賽程都幾吸引,拖肥對車仔、阿奴對史篤、水晶對曼城,及双紅會。 國際賽後,強隊的主力體能將成關鍵,至此,小弟頗替車迷擔心。尤其不難發現,上年車仔失分最多之時,乃正值多線作賽(聖誕快車到新年),其後歐冠"不幸"出局及曼城跌watt,才得以保持專注,成功領出奪冠。

    至於回應一下主題,個人感覺今次双紅應該不會和波,利記三旦敗仗後能反彈取勝,貫徹他們的海鮮水準,哈哈。

    回覆刪除
    回覆
    1. 哈哈,我唔介意利記大勝一場,
      最多買過個眼鏡

      刪除
    2. 其實利記如果中場齊人真係大勝唔奇,紅魔朗尼傷咗,之後只有21歳迪比同19歲,之前好似只喺摩落哥打過唔夠十場全場senior賽既安東尼(2條友成差不多7千萬鎊,但可能要等兩三年先有收成),對比利記有入球保證既賓迪基,利記中前場有贏面。再睇紅魔後防,你估賓迪基怕Smalling 定以前既維迪同費典南?我諗佢有信心會入波,差在成隊點配合俾佢發揮。

      刪除
  2. 啱啱出咗成個禮拜trip返嚟,一睇偉高手札發覺好睇咗,唔知係咪同小咗D鬼同問no.有關呢?

    呢個週末好期待呀,雙紅大戰,氣氛依舊,點會過氣呢?唔知大家大戰前有冇睇傷患名單習慣呢?我會睇呢個,聽講佢哋有人真係去睇各隊操練,比較準:
    http://www.physioroom.com/news/english_premier_league/epl_injury_table.php

    利記好似中場有幾多傷兵,而曼聯反而同西班牙門神續約成功。至於愛隊車仔,無端端個比利時門神半月板有事要休養起碼十週,仲要個個打完國際賽尋日先番,又要踼最早嗰場,對拖肥糖極具挑戰性,又不容有失!

    回覆刪除
    回覆
    1. 羅渣士通常在多傷兵時表現更好,
      因為佢咁樣先肯求變,
      又通常俾佢變D好野出來,
      今晚期待丹尼京斯正選上陣

      刪除
  3. 作者已經移除這則留言。

    回覆刪除
  4. 信徒兄,你篇文寫得幾好啊! 文筆流暢、有觀點! 比現在的報紙佬好很多。近年的體育板不好看,只有賠率。有點懷念小時候的體育板

    回覆刪除
    回覆
    1. 多謝長投兄,小弟好少寫野,所以一篇咁既文章都要用一至兩小時才可完成(包括找到新資訊又更新一下),如果寫完無人睇真係幾失望㗎,有人欣賞,動力立即回來。不過小弟無乜墨水,可能寫多幾篇就露底了。同埋無可能每次都長篇大論,可能有兄弟會覺得咁多字好煩。

      刪除
  5. 朗尼難成大器,利記SURE WIN

    回覆刪除
    回覆
    1. Haha, Phone兄,其實朗尼已成大器,
      但已開始謝謝地,打唔返早兩三年既水準了

      刪除
  6. 車仔又失两球,看来联赛肯定無望,望能,保前四!

    回覆刪除
    回覆
    1. 攪乜呀車仔,3:1添,摩連奴又要準備揾工了

      刪除
    2. 可以以慘不忍睹來形容。

      莫非摩佬擺脫不了三年一新工魔咒?

      刪除
    3. 終於喺呢邊見到偉哥踪影,
      一陣睇埋利記赢波先瞓喎

      刪除
    4. 摩連奴真係未試過咁差既紀錄,豆腐後防?成隊完全唔惦,啞晒!下場歐聯對魚腩希望贏番啲信心,跟住仲要對兵工廠,不能有失.....

      刪除
    5. 頭先去左睇皇馬....兵強馬壯的皇馬,應該可以讓賓SIR貫徹佢的輪換政策。

      睇好今年皇馬可以重奪西甲。

      刪除
    6. 車仔周中打歐聯,然後下星期對兵工廠,如果兩場無法最少勝一場,摩佬危矣。

      刪除
    7. 啱啱先續約,唔好掛!希望油王俾D耐性,亦希望奧斯卡快D出番嚟頂替廢比卡斯。既然中場控制唔到,倒不如放Zouma代替米基打防中仲好

      刪除
    8. 隨便啦....哀莫大於心死。

      刪除
    9. 車仔似乎還要多些時間才能走出低潮....

      Btw,偉哥,小弟對賓帥的操盤真的不敢恭維,始終不明當年為何可以帶領華倫在西甲奪冠,所以今年西甲我都係比較睇好巴塞。

      刪除
  7. 門將差D送大禮....好彩紅魔是廖化作先鋒,水鬥水。

    回覆刪除
    回覆
    1. 米奴烈.....仲係間中發神經,好在對手前鋒叫費明尼.......

      如果車仔右閘叫佳尼就好啦........
      始終覺得賓迪基對住Smalling係有機會既

      刪除
    2. 未到半場, 已經悶到想瞓。

      褐色的雙紅會,兩隊加埋好似仍未有一脚中門的射門。.....

      刪除
    3. 連火藥味都冇,可能多新丁zzzzzzz

      刪除
    4. 真係好懷念08/09球季,由場內鬥到場外,緊湊、火藥味十足。

      此情此景不再。

      基本上BR領軍的賽事我而家一季都唔知有冇睇10場。

      刪除
    5. 我黎緊都唔睇啦...情願睇下其他球隊...睇得仲開心仲有章法...
      而家仲好慶...訓唔著

      刪除
    6. 上半場真係悶到拎部電話出黎打機,還好下半場幾好睇,入球又精彩,賓基車身倒掛未夠喉?馬迪爾如入無人之境的入球亦非常靚,係唔滿意個賽果啫

      刪除
    7. 好同意信兄所講。
      3600萬鎊買個19歲的,聽落都覺得好離譜,值唔值呀?
      睇完個入球....依...有d料到....唔通真係堅?放長雙眼睇啦!

      刪除
  8. 今晚歐聯,曼城主場對祖雲達斯,
    本應看好祖仔,但近況真係太差,
    相反曼城連續5場英超零封對手,
    變成一場好難估計的賽事,
    大家有咩睇法?

    回覆刪除
    回覆
    1. 祖記中場大換血兼冇態,開季3仗輸2場和1。中場應該曼城玩晒,我睇曼城贏,2粒唔算多, 但我想車仔借將干達度入波^-^

      刪除
    2. 又一地眼鏡碎,曼城咁都輸得,真是踢親歐聯都唔惦。

      刪除
    3. 雙方近況有咁大對比,而且有主場之利,
      都俾人反勝,究竟英超水準係唔係差成咁,
      同十年前喺歐洲打横行相比,
      真係跌得咁緊要?曼聯連荷甲隊都輸埋,
      無眼睇...

      刪除
  9. Joe兄,今晚車廠打吡,有咩睇法?

    回覆刪除
  10. Mj Tw 好似係廠迷,今晚同joe兄牙餃戰喎,
    以車仔近況,正常撑阿仙奴,
    不過其實阿仙奴都唔叻得幾多

    回覆刪除
    回覆
    1. 伊凡會出,Cech 倒伐,兵工廠對上七仗客傷全勝,但車仔之前摩連奴聯賽未輸過俾雲加,50/50,唔知應該點睇
      Chelsea XI: Begovic; Ivanovic, Zouma, Cahill, Azpilicueta; Matic, Fabregas; Pedro, Oscar, Hazard; Diego Costa
      Arsenal XI: Cech; Bellerin, Gabriel, Koscielny, Monreal; Coquelin, Cazorla, Ramsey, Ozil, Alexis; Walcott

      刪除
    2. 兩隊近況都"不俗",禾仔打前加上以雲加保守性格,作客一分相信是他的心中的底縕。今場和味濃。

      開賽了二十分鐘,發展進程如料。

      刪除
    3. 點解睇親車仔都係李榮基講波?!聽英文好過!車仔奧斯卡復出助攻助守對板,成隊狀態,傳送同攔截都好番D。上半場車仔形勢好D,如果對手再側重左路進攻既話,威脅應該唔大。不過嗰個紅牌都幾無辜.....

      刪除
    4. 只能說優勝劣敗,一面倒的對賽勝率不是偶然,縱沒有紅牌,也看不出兵工有拼盡必勝的心態和板斧。

      或許是周中的紅牌引至疲勞、或許已擁有最強陣容不必補充球員、或許...有太多美麗藉口。

      刪除
    5. 其實我都睇唔到紅牌嗰腳,只知道球証睇到,再問完旁証之後就出紅牌。見到嘉比領紅之後想找同鄕Costa晦氣,情況令我想起3屆世盃4強英國對葡萄牙,朗尼被隊友C朗出賣而被領紅一樣。

      Costa係有目的地撩事鬥非,係犯眾憎架。佢上次領紅係2012年,嘉比仔以為同鄕做和事佬領黃再領紅,有點兒似當年朗尼咁,有點Naive.....

      刪除
    6. 睇重播係見到隻腳有好輕輕的向後提起,
      但個人覺得又不致於要食多一張黄牌而出場,
      嗰脚連3歲細路都唔會覺得痛。
      另一場韋斯咸真係唔識評論,
      作客連贏阿仙奴利物浦都仲可以解釋兩强狀態差,而家連狀態最好的曼城都赢埋,攪乜?最奇怪係主場又連敗給下游隊,你玩哂啦!

      刪除
    7. 據我所見,果腳應該係直紅,你話好唔好笑。

      而韋咸呢隊,你真係估佢唔到。

      刪除
  11. http://pcm.my-magazine.me/main/News/13146 蝕住做? 傳聞英超轉播新東家嘅月費係.
    唔知堅定流

    回覆刪除
    回覆
    1. "惡性"競爭絕對是球迷之福,哈哈!

      刪除
  12. 作者已經移除這則留言。

    回覆刪除
  13. 車仔止跌

    :0)
    Mike Dean 正一盲x

    回覆刪除
  14. 利物浦昨晚大半隊正選,又主場出擊,面對英乙球隊,竟然要打到互射12碼,仲要二號龍保丹球到3球,先可過關,睇黎羅生真係神仙難救,大家利迷準備迎接新領隊喇

    回覆刪除
    回覆
    1. 祝福想換帥的利記迷,未來三場能來過痛快的敗仗,如我早幾年希望兵工跌出前4一樣。

      刪除
    2. 1:2 輸俾維拉應該夠。羅渣士現在係英超領隊被炒榜首名:5/4

      刪除
    3. 作者已經移除這則留言。

      刪除
    4. 長痛不如短痛,
      我都情願今晚赢唔到,
      速戰速決,
      不過最怕換來的不是高普,
      而是大Sam之流,
      咁就暈低

      刪除
    5. 史獨靚波,利記福將歸來

      刪除
    6. 個後防咁屎,來緊嗰7場連場硬仗,睇黎兇多吉少,史獨可否場場起孖?

      刪除
  15. 羅渣士終於被炒,可靠消息話高普已同意3年合約,希望可以喺多蒙特執兩件好野過來

    回覆刪除
    回覆
    1. 㳟喜晒!Daily Star 麻麻地可靠,希望遲D Sky 都報導埋出嚟,咁就堅料:
      http://www.dailystar.co.uk/sport/football/468314/Jurgen-Klopp-Liverpool-job-manager

      刪除
    2. 其實高普應該會想教利記,看不見今明兩年比蜜蜂更有歷史、規模的球隊會隨意換領隊(英超四強、西甲双雄、拜仁),現時要睇利記有幾多誠意,靜待利記新官。

      刪除
  16. 至於車迷,真是冇嘢講,不妨睇下以下段片,尤其是1分10秒後,可能會好過D:

    http://natterfootball.co.uk/2015/10/watch-chelsea-fan-has-meltdown-following-southampton-loss/

    回覆刪除
    回覆
    1. 今季車迷真係比利更慘,利迷都可以話呢D成績已經預期之內; 但車仔貴為上屆冠軍,人腳可以話英超數一數二,又有頂級領隊,但居然8場賽事只得8分,係完全不接受的成績,Joe兄比較熟,有否睇車迷討論區?我想知你們一眾車迷有乜評論?

      刪除
    2. 遲過其他球隊開操一週,又買唔到人,醫生事件等等,嗰度D車迷都知因乜搞到咁,其實年多前已經有人指伊雲路域開始慢等等。依家反而最擔心領隊被炒,因為摩記喺我哋心目中仲係一個好好既領隊。有D人相信摩連奴係因為佢老豆健康問題影響情緒,帶唔起隊波。大家都覺得佢上仗賽後嗰段説話不恰當,有少少接近breakdown 感覺。希望佢老豆無事,而摩連奴可以恢復過來。

      刪除
    3. 連黃國英今日都用車仔嚟講組合管理,使唔使呀......

      刪除
    4. 車仔球員太累了,組織比較迂迴,少了突破,多了上腳。不過作為頂級球隊,低潮期應不會太長,我認為國際賽後,表現應會慢慢改善。

      刪除
    5. 我認同摩連奴係頂級好領隊,不過佢把口有時真係幾乞人增

      刪除
    6. 哈哈,有時睇佢窒雲加,都真係又愛又恨

      刪除
    7. 佢有邊個未寸過吖,費Sir, 賓尼迪斯.....寸雲加就真係好似食生菜咁,咁寸法一定要自尊心超強先得。真是唯有望佢帶番起隊波

      刪除
  17. 回覆
    1. HAHA, 而家已經幻想緊Reus,
      教成點要睇過先知,
      但高普來到,肯定吸引到一大班女Fans睇利記,佢真係好型仔。

      刪除
    2. 型仔? 我覺得佢啲鬍鬚似痴漢多啲..haha
      希望佢幫到手入前4 拉返紅魔落黎

      刪除
  18. 國際賽期完喇,除了香港隊陳7做返齣好戲,還期待信徒兄不時嘅寫作呀~~

    回覆刪除
    回覆
    1. 唔係話唔想寫,只係每週花咁多時間寫,但到頭來都係得我地三幾個人傾,寫到無乜心機

      刪除
    2. 都係,不過多有多寫,少有少寫吧^^,小弟及其後網友會支持你的。

      另外,寫作這方面覺得偉哥都算強,我見當年d post都無咩人有comment。

      刪除
  19. 兵工打返場好波,不枉半夜凌晨開著部電腦捱眼訓。

    回覆刪除
    回覆
    1. 希望兵仔繼續努力,幫英超隊爭返一口氣啦

      刪除
  20. 作者已經移除這則留言。

    回覆刪除
  21. 支持下先,剛睇完曼城對西維爾既歐聯精華,曼城都贏得好險...

    回覆刪除
  22. 回覆
    1. 季初睇好可衝冠的阿仙奴初賞榜首滋味,希望繼續努力,真的可以奪標。(哈哈!點解作為利迷會講呢D)

      刪除
    2. 打得十場,仲早
      通常十一月傷兵潮
      二三月杯賽出局,聯賽失分
      四月四大皆空

      刪除
    3. 哈哈!唔知以為你係阿仙奴敵人添

      刪除
    4. 昨天的大敗,難道真係要靠"三"天寶至尊這條中場線才能贏波?

      刪除
    5. 而家阿記好明顯係中場級數遠勝前鋒,所以先經常有人提及鞭屍馬和希古恩

      刪除
    6. 不幸言中,未到十一月,本周張伯倫禾確特掛彩

      右路料現缺口

      刪除
    7. 呢場對近況麻麻的史雲斯還可應付,
      但週中再對拜仁就難攪D

      刪除
    8. 雞湯上季兩挫阿仙奴的

      刪除
  23. 我覺得利都係太多10號了, 都用唔著.

    回覆刪除
    回覆
    1. 古天奴太相信自己,唔太願意做先分波後射波(即近似NBA的控衛),根本唔適合做十號仔,而且射術其實又未到家,只係間中入一球靚波就當自己係射手,不如好好的交球靚波俾前鋒,等人家做最後一脚啦!

      刪除
  24. 努力趕緊寫新文章,希望趕到聽日出品

    回覆刪除
  25. 在茶記睇香港v中國

    撐港隊

    回覆刪除