在股市世界,久不久就會有神話出現,例如一些神仙股,短期內以倍數上升,令買中的人發夢一樣。又例如好似4月初那個神話升市,只要買落去,可能三幾日就升兩三成。不過好景不常,神話話咁快已經破滅,大家又跌返落人間,更差的甚至已經去左地獄一樣。
至於足球世界,神話亦偶有出現,講到呢度,大家都知我想講李斯特城吧!遠至上年季中打後,李城依然排在榜末位置,甚至跟第17位有一段距離,當時我自己覺得降班穩膽非李城莫屬; 然而神話就在當時開始,球隊好似食左偉哥一樣,遇神殺神,進攻吓吓一針見血,赢到你唔信,最後竟在中游位置過終點,跌到一地眼鏡,但原來只係神話既開始。
在今季開季前,領隊位置換上了曾經執教車仔的“ 暈未呀你",據說上任領隊不滿球隊能從降班邊緣逃出生天後,老闆仍不願意開水喉買人,故此一怒之下遞信走人。
踏入今季,很多人包括小弟仍不相信李城可以延續上季尾的神話,但另一個神話華D卻同時出現了,今季他的火熱狀態到目前為止從未底落過,其飛快的速度令等閒後衛只能食塵,睇住佢入波,還有連續場場入波的走勢到最近才打破,但只停了一場後又繼續有波入,如果今季最終成為神射手,便會成為繼十幾年前Philips之後另一個“弱"隊神射手了(李斯特城仲算唔算弱隊?)。
其拍擋馬列斯今季又突然爆起,他亦是速度高,有技術而且十分靈活的球員,據聞多間大會已經睇中佢,出走只是時間問題。反而華D呢類高速前鋒,以歷史上看應該不會延續太久,很多時一兩年就見底,市場價值不及馬列斯。
究竟李斯特城神話可以延續到幾時?相信雲尼亞里已經擔心緊,因為轉會市場即將重開,只要兩人其中一個被搶走,我相信其神話好大機會立即破滅,因為球隊進攻太倚重此兩子,缺一不可,大家可放長雙眼睇吓一月份會有什麼變化吧!
除了李斯,另一個神話静俏俏地已露出頭來,大家可看看屈福特射手恩哈路,唔覺唔覺聯賽已交出十個入球加五個助攻,只是鋒芒被華D搶哂,遲些少應會俾大眾留意到的。
新凸能第一年都唔弱的
回覆刪除End up第七
高矮陣簡單直接
車仔炒左摩連奴了
回覆刪除人家說富不過三代、他帶隊是強不過三年
刪除同球員關係唔好係領隊致命傷,個個用七八分力踢就足以玩死你。其實衰D諗,會唔會係摩佬計劃一部分,攞冠軍,續肥約,同球員鬧反,炒鱿,拎住大筆錢揾工,以他實力同名氣大把球隊搶住要。
刪除有可能,但以佢既性格就絕對唔會咁做。自從輸埋俾般利矛夫已預咗又係玩球員大過領隊。不過我仲存一絲希望油王一月大換血,下下咁樣換領隊唔惦。你睇費Sir 就知,當年碧咸,雲佬,史譚,話炒就炒。油王應該支持摩連奴炒Hazard, Costa 等先至係正路........
刪除D車迷對Sunderland時叫得啱,贊同叫Costa, Hazard 同費比走!以為自己大過領隊同球會,激氣!
刪除揾球會成績黎鬥氣,油王又會忍得佢地,仲要炒埋領隊,咩世界呀?
刪除屈福特前峰真係無留意bor, 信徒兄眼利
回覆刪除哈哈!因為我有玩英超領隊遊戲,
刪除所以較易留意到。
依家仲有乜領隊遊戲比較流行又好玩?如果有玩就的而且確會知道多好多嘢。以前都有玩Yahoo, 屈機前鋒表表者應該係亨利,無人敢唔買!
刪除http://fantasy.premierleague.com/fixtures/
刪除呢個玩左好多年,全球有三百幾萬個account一齊玩,唔錯的,你喜歡的話可以開三幾個account玩都得
刪除收到,謝謝,下次開番個account先!
刪除阿仙奴贏得big3 point
回覆刪除今季由社區盾開始,對強隊既套路仲有效
真心希望阿仙奴今季可重奪英超冠軍,唔使年年非車即曼,而且阿奴D波都算幾好睇,好過嗰D入完一球就守到尾嗰D悶蛋強隊好多
刪除即刻輸比你睇
刪除吹脹
作者已經移除這則留言。
刪除仲要4蛋,對手只係近況一般的修顿,今年英超真係難估到爆。相反近況勇到爆既李城又會輸俾我愛隊,仲要攻勢幾乎疸痪,首次入唔到波,利記同上兩三場比又好似換左另一班人踢咁,真係估你唔到先係利物浦,點解之前唔可以咁樣踢呢?唉!
刪除李斯特睇落消耗唔少
回覆刪除對曼城有利。
祝各位新年快樂
回覆刪除祝各位兄弟新年快樂,股波亨通
回覆刪除呢個十二月忙得很,我都祝各位新年快樂,2016事事順利。
回覆刪除睇黎兩個月都無一個post
回覆刪除放心,唔係催你。
信徒PPW兄,身處外地的我,一開電視竟有利阿"双紅"直播,你拳我腳,相當精彩!
回覆刪除又唔知點解忽然用返左個舊名,在下mj tw
刪除上半場真係出乎意料之外咁精彩,
回覆刪除估唔到唔識入波既利物浦竟然可以唔使半粒鐘就攻入兩球,可惜都係未開心完已經俾你地追返。
哈哈,我諗住留啲伏線,唔提比數,點知原來你都係睇直播。宜家和氣收場,劇本就同上季史基頭槌一樣。Btw,我最近好同意我位利記朋友話: 利記真係遇強越強; 然後......
刪除都唔係最近既事,除左阿蘇大爆發嗰年,其餘時間都係差不多,總之就同賭徒既心態剛好相反。
刪除係道散吓...悶...氣...
回覆刪除Click 去D100網台見到標題
鄭經翰《風波裏的茶杯 :港大人不爭氣、罷課反應冷淡》
我真感無奈…自己人也不爭氣, 唉!
難得仲有人入來吹水,仲要係Ciara姐,
刪除我又介紹吓一個節目俾你聽,ibhk既東評週,內容主要鬧爆一些社會上不公義既事,主力當然係600狗既政府啦,不過都幾粗皮,唔怕就聽吓
thank you.
刪除《 蘋果》記者到黃大仙祠求籤…「~~~總括嚟講比2015年差」「一國兩制是一場夢」
我地普通市民只是找定個平台吹水, 否則唔知怎過2016年>_<
我都好希望多D人來呢邊吹吓水,那邊箱主要講股票,講得多其它野會俾人鬧,呢邊就唔同,講乜都得。
刪除人少有人少既好, 仲記得初初留言, 總是有一批人出來插插插, 害得我心驚胆跳. 好地地分享一隻升的股也被人插, 我嗰時留言好似exam 咁, 要睇好多次才敢交卷, 免惹罵戰.
刪除童話總有破滅時? 年少無知的世界 too simple and too naive.人長了就太多 grey area 人也變...要妥協才可生存.
刪除哈哈!討論區文化就是這樣,好似以前讀書咁,總有一些好受歡迎的同學,亦一定有一些攪事份子,四圍寸人玩人,以為好威,唔想同人嘈唯有講少句,或者一笑置之。笑,係可以化解很多煩惱的。
刪除收到家人來電, 親戚離世…
刪除幾個月前, 親人離世, 用了個多月才recovery…
怎知今日又…
噚日去探佢, he was in a coma.
沉...重...
節哀順變。
刪除Ciara姐近來都似乎心情麻麻,凡事要睇開D,心情唔好都會影響身體,多D揾friend 傾訴吓啦!講完點都舒服D。
收到離世親戚的親人來電, 傾訴錐心之痛...
刪除我.明.白.的
《信報》公告:曹仁超逝世 享年68歲
刪除[因佢爸爸的原故, 佢一向好注重健康]
有些人離去對自己有好大打擊>_<
刪除曹仁超好注重健康, 他常常說: 健康=1, 隨後的零在銀碼上才有意思.沒有健康什麼也沒有.
原來那麼注重健康的人也保不住嗰’1’...無話可說 也只有 更無話可說...
今夕吾軀歸故土‧他朝君體也相同。
刪除別了…親友
今日有點累
好喜歡這番話「人生不如童話故事,沒有一勞永逸的結局,問題天天都多,無論工作上、私人生活等,都會不斷地出現問題,等着我們解決。有些問題重重複複,離不開那數類,有些問題較麻煩,需要多點精力。」
http://hk.apple.nextmedia.com/realtime/finance/20160227/54805800
心情還有點起伏…
刪除today, big sunshine, 希望邁向新里程^_^
介紹妳聽陳慧嫻一首舊歌: 忘記悲傷
刪除作者已經移除這則留言。
回覆刪除祝信徒兄及各位,猴年快樂,步步高陞,身體健康!
回覆刪除多謝! 祝各位兄弟姊妹萬事如意,財運亨通,身體健康。
刪除信徒哥及網友 身體健康.
刪除今日上了山頂行, 好多人又塞車
估唔到年初一就發生旺角黑夜,唉!可能呢D就係689既任務-攪亂一直和平既香港,香港,已經變得越來越陌生
刪除我愛香港.
刪除大廳嗰邊有些人太偏頗. 拉布都是文明社會的表現.
今日去了東涌, 支持本土消費.
多年前家人都有提議我去外國半工讀,逃離共產社會,但自己實在唔捨得離開香港,走左人生路不熟,又無哂D朋友,感覺好孤立無援咁,結果放棄左。而家見到香港一日比一日亂,真係唔知好事定壞事。
刪除「人生路不熟,又無哂D朋友,感覺好孤立無援咁」~~~這種感覺我試過, 我真係試過, 我當考驗自己囉.
刪除隔離有人盲撐梁振英
回覆刪除笑死
祝願各位新年進步,更上一層樓
回覆刪除好喇好喇,終於多返一兩位兄弟上來吹水,我仲以為要摺埋添。
刪除股票跌
刪除工唔穩
阿狗頹
社會亂
無心機
香港藝人葉蘊儀:
回覆刪除「唔好只睇一個電視台、唔好只睇一份報紙、唔好只聽人講,請用腦去思考為何會出現了這麼多的事發生。
我也希望活在不荒謬的年代。
祝福我們香港人。」
呢排都幾多唔好嘢,社會亂,股票跌到殘,返新工又忙得很,車仔炒咗the one 之後連睇波都冇乜心機。始終自己心境最緊要,不如人意事十常八九,唯有盡量用平凡心面對。
回覆刪除祝大家新年時常有好心境心情,股運亨通,股票殘唯有做多D功課,香港亂就唯有自己增值爭氣。
尋晚睇車仔都幾好吖,班波係唔同咗,如果出多D新人就仲好。
信徒兄,希望史杜歷治出番越來越上力,對維拉入番一兩粒!
即刻入一粒,好兆頭!
刪除維拉太廢
刪除降班鐵膽
都係想睇下史杜歷治,望佢越來越有態。佢係頭一季以超低特價千二萬鎊轉會同哨牙蘇有貨交之外,之後都傷咗成季幾2季,望佢越來越好有機打歐國都好。不過依家英格蘭前鋒有大把人,有哈利簡尼,華第等,都幾難!
刪除社會亂都是689 搞出嚟, 唔聽民意
刪除佢既表現又真是......,不過我都冇乜政治智慧去評論。講開民意,奇實李光耀講過幾段話我好認同,佢講新加坡在英國統治前後既關係我更覺得佢看局勢看得透徹,不過都係小講為妙 @_@
刪除難得這邊咁多人插689,等閒要過黎呢樹望下
刪除可以幫口插多幾野發洩吓添
刪除952阿仙奴
回覆刪除同一晚連下兩城...
952我都有,希望之後少D牛鬼蛇神,副隊又出山就好啦。
刪除李斯特城臨天光瀨尿,真刺激!兵工廠只差2分,廠迷當然開心,恭喜恭喜。
第二將黃牌都比,就感覺到主隊有運。下場對紅魔,希望能送雲哥一程。
刪除熱刺班後生仔連曼城都照食,又跌眼鏡。今年D賽果真是出人意表!
刪除我係信徒,尋日開始個google account無端端幫我登出左,我又唔記得用邊個account登入“信徒”,攪到而家都未能用真身登入,暫時就咁吹住先,睇吓幾時記得返先再用信徒個名吧!
刪除講返史獨,真心要祝佢身體健康,佢D波真係好睇又好使,希望唔好打多兩場又話下季見啦!
刪除今季捱左咁耐,終於見到利記有返個似樣既正選11人,尤其係攻擊線上,如果今季大部分時間有咁既陣容,相信而家已經同李城爭緊榜首,難得大部分主要前列對手都同時失準,可惜自己傷兵又確實太多,只可以話欠運。
唔記得用邊個account登入“信徒”~~~~哈哈, 咁都得. 我 google account 網名一個, 沒這問題。
刪除我唔係好多網名,只係之前開落幾個gmail account, 而平時電郵我係用yahoo的,所以登記左,登入左就無再理佢,又唔多識攪呢D野。之前都想開account喺雪球吹水,但攪來攪去都唔識,放棄左,哈哈!無鬼用
刪除哈哈,咁都得X2.
刪除開口又中,史獨真是想同老友韋碧踼歐國盃架:
http://www.skysports.com/football/news/11095/10168020/daniel-sturridge-and-danny-welbeck-eye-england-euro-2016-spots
仲想踢歐國杯,頂到十場聯赛先唸啦!
刪除傷心情人節!
回覆刪除80後癡情女疑難堪戀情受挫,取出鎅刀自殘身體,一刀一刀鎅落手腕及大腿,似乎以肉體痛楚忘掉情痛,突然更萌死念,自刎圖死。
{唉! 何苦呢「李白: 棄我去者,昨日之日不可留」?}
何苦呢x2
刪除失戀我試過,當然好唔開心,但只係最多無乜胃口,想聽吓慘情歌喊吓發洩吓,一段時間後就會無事,又唔係太大件事啫
我終於回復真身喇,哈哈!
回覆刪除嬲嬲豬>_<
回覆刪除滿腔熱誠、準備就緒、養好身體…去捐血.
怎知那抽血員入針的位置不好令我出現瘀血壓住血管出血不順, 而我體重的原故又不能即時抽2nd血, 只抽得14 ml作科研用.
要等3.5月後才可以再去捐血, 唉!
哈哈!另類醫療事故!
刪除唔緊要啦!都可以幫到醫護人員作科研,點都係一件善事。
Joe兄,尋晚車仔作客只负一比二,有一個作客入球,戰果比預計好,返主場未知鹿死誰手呀!
刪除信徒兄唔好意思啱啱先收工返到屋企。
刪除尋晚都有起身睇呀,兩隊互有攻守,節奏快好精彩!費比,威廉,巴巴同打中堅依凡等都踼得好好,就睇Hazard幾時歸位!
其實失嗰2球米基同門神分別都有D責任,不過人哋攻擊力真是好強,依巴仲係喺禁區附近好有威脅,迪馬利亞就更加唔駛講,尾段仲放入坐後備席既,無錯係後備既栢度同卡雲尼,就俾佢搏到入多粒。下場車仔主場,真是50/50。如果車仔仲有Drogba做後備就好咯!
嘩! 咁夜先收工,真難撈。
刪除我無得睇歐聯,因為無裝有線,香港人想睇波真係幾麻煩,一時now,一時有線,轉來轉去,而家仲衰,失驚無神又俾强國搶埋,香港人屋企有幾大吖,就算你咁富貴裝哂咁多個台,都要揾地方放咁多部解碼器,真係好煩。想睇吓波啫,都要咁,唉!
尋日覆左一段野,又唔算好長,都被當垃圾留言,算啦!而家睇緊利記踢歐霸,full team出擊,似乎真係多了球隊試圖用呢條路沖擊歐聯資格,其實一樣咁難,一來要打多好多場比賽,二來對手亦很强,曼聯,熱刺,多蒙特,拿坡里,西维爾,任何一關都唔易過。
刪除我頂,打左兩段野都跌左落垃圾桶,激死,又唔係好長,呢個系統真係好屎
刪除谢偉哥
刪除無辦法,自己揀咗認為有挑戰性既offer, 依家真是挑戰埋自己忙碌中搵時間照顧家人同睇股票!
刪除利記入咗十六強喎,唔知史獨場波踢成點呢?我就等睇聽日有缐車仔大戰,唔知曼城會唔會留力。
各位知唔知今年欧国杯那个台播
刪除我試過姑娘手勢唔好
刪除針口位瘀痛左個幾月
我成日口痕上去捐血同呃餅食的
呃餅食,定睇中個護士姐姐先
刪除定睇中個護士姐姐…x2
刪除今年我一定要成功捐血.
Baggio, 我有留意你留言啊!
永.遠.支.持.信.徒.哥)))))
永遠支持我???真係受寵若驚,我何得何能,只係吹水佬一名。
刪除Ciara姐咁有善心,一定有善報。今日個市又係幾悶吓,所以偏廳呢邊熱鬧左,都有D細藝。
偉哥「不斷熬夜」? 其實, 我地在偏廳吹水, 偉哥可以集中看業績、不用時時更新網誌、處理投訴、多休息。
刪除但係唔係咁多人肯過黎呢邊,始終D人想同偉哥倾多D,呢輪偉哥少左留言,連大廳留言人次都少左好多,何況呢邊。
刪除多谢ciara姐关注,其实一向不多留言,股票多数跟偉哥,没有特别心得就免得献醜。只不過見有d人常常share佢d政治理念,忍唔住才顶佢几句。若果呢度多d講波馬才會多討論几句。
刪除Ciara姐留意玄学的話,可以share我在一仔看到的文章,出處是工厂大王楊耀松的公子。11月時已说今年会見14000。上个月再有詳细一些,2月4号开始至5月4是反覆升市格局,23800之上可以走货
刪除之后會大跌直至萬4,既然说得咁詳细可以看看是否真的。不过我唔想佢準,因为佢暗示十年後地球大大獲
刪除佢分享個玄学家叫李南光,在youtube有频道吹水
刪除十年後地球大大獲一D都唔奇,而家D問題已經浮哂上水面,北極問題,污染問題,仲有蜜蜂絕種問題,仲有好多好多,人類自己唔珍惜大自然,自然要承受惡果
刪除似乎係暗示核战,真係唔奇,習大大要做大事,大陸在南海的舉动,加埋内地5毛的極左唔理性,世界唯中国是尊的言論,出事是可能的
刪除哈哈
刪除窮到要呃餅食,護士姐姐唔會睇我上眼的
信徒哥: 我推想啲人在偉哥留言覬覦其 high hit rate. 我地吹水, 偉哥都不插嘴.
刪除其實偉哥每一個留言都睇, 見他字裏行間就知. 仲有Danny哥, 從他的詩看得出。
Baggio: 每人政見不同是可以, 但有些人太偏頗. 今年会見14000? 我會去看看的, 謝!
PPW: Red cross blood 近日血庫告急, 好多人多謝您啊.
見唔到有咩台確認左。。。
回覆刪除蘋果話letv
刪除Diu
點都好,上網睇。
又樂視,咁攪法遲早俾佢玩哂。
刪除睇返中超D買球星手法,應該都係照習先生意願去做,攪旺個球市,只是估唔到真係有咁多星級仲要當打球員肯去啫。
跟本就冇市場backup,轉播權都唔荒買得多$,估计3数年后打回原形
刪除都無計
刪除財雄勢大
又肯搞同燒錢~遲D睇波真係佢玩晒
不過佢個盒子硬件真係唔差
不過又要装多個盒實在太麻煩
刪除惨,連埋letv成3个盒,人都癫
刪除唔好掛,乜唔係now有同letv買咗播放咩?佢15年尾話未來三季now都可以睇英超。
刪除我都記得係
刪除英超有,其餘暫時無
刪除英鎊續跌 重返十算
刪除http://hk.apple.nextmedia.com/financeestate/art/20160224/19503360
[飛去睇英超]
昨天去飲,席間朋友話聽晚巴塞可大炒兵廠,但小弟有所保留,有別於過往幾年淘汰賽首回合主場例敗,自己反而預感阿記主場應可不敗,希望今次不是因情義結而抱過份樂觀啦...haha
回覆刪除今場阿記主場,我都認為有得打,唔排除爆冷赢既可能,不過到巴塞主場,就另一個世界,希望今場阿記可以領先,去到西班牙再睇吓會唔會符碌過關
刪除有得打,仲有施治對親美斯都有運行。好似上2次對美斯都未失個波,哈!
刪除終於都要輸兩粒,施治幾强都敵不過宇宙最强MSN,仲有廿幾分鐘張伯倫射嗰球,真係無眼睇
刪除都守到71分鐘先失波
刪除如果唔係法明尼輸12碼
都係輸1粒
有所交代啦
(利申: 巴迷 =P)
未睇
刪除留返晚上看。
樂觀啲睇,正所謂早輸早享受,可以專心爭冠仲好,下年做到種子隊,或者歐聯路可能可以走得更遠。
回覆刪除係,如果呢場和左甚至赢左,下回合聯賽又要留力;而家主場輸兩粒仲好,反正去到已塞主場都無運行,頭半場搏唔到,可以留返D力聯賽爭冠,其實而家有D優勢,雖然落後兩分,但最後階段經驗十分重要,阿記比李城熱刺經驗好得多。
刪除輸自己
刪除爭條毛
真係幾失望,竟然輸俾個無英超經驗既小朋友,有邊個估到而家最後十一週,大熱Q係李斯特城搭熱刺,爆到7彩。
刪除英超好玩在估你唔到。唔同西甲,德甲真係闷死人
刪除德甲咁攪遲早變左幾年前的蘇超,永遠得兩隊單打獨鬥,而家格流破埋產,些路迪喺無對手下,水準每況愈下,好似英超咁咪幾好,未到最後都唔知邊隊冠亞季
刪除力.撐.溤.敬.恩
回覆刪除李國章要求簽承諾書遭拒 校委開會逐馮敬恩出會議室
http://hk.apple.nextmedia.com/news/art/20160224/19503562?_ga=1.159669438.2093425218.1454504981
46歲的閆永明原是吉林通化金馬藥業集團董事長,曾以3.18億人民幣收購號稱「中國偉哥」的壯陽藥物奇聖膠囊,被譽「中國偉哥之父」。
刪除「中國偉哥之父」紐國揮霍 12年內豪賭逾15億
閆擁有4部名車,一部法拉利、一部保時捷、一部賓利,還有一部寶馬。
『嘩, 原來壯陽藥咁好搵架, 犀利呀!』
一場造化?
刪除犀利哥程國榮風光過後 依然流浪街頭 依舊 撿垃圾吃、精神病
http://hk.apple.nextmedia.com/realtime/china/20160224/54793132
好可惜佢有精神病,以外型計,佢仲型過好多紅星
刪除1386 +18% 本小姐冇$1.23賣比佢地呀…
刪除《盈進(1386)要約獲近15%股權接納,公眾持股量略低於規定
盈進集團(01386)公布,此前要約人朱曉軍收購公司股權60﹒35%,並提無條件強制現金要約。而要約已於昨日(24日)截止,接獲合共9308萬股有效接納,佔已發行股本約14﹒51%。
要約完成後,要約人及其一致行動人士持公司合共4﹒91億股,佔股本約74﹒96%。公眾持股量為24﹒03%,低於規定;要約人及公司將採取適當措施,以將公眾持股量恢復至上市規定之最低水平。
1386 破頂 +28% go, go, go)))))))))
刪除女神鍾嘉欣結婚了, 有少少似胡杏兒,一個女生在20歲時用了差不多10年時間在一個男人身上, 才懂得知道自己要什麼…閃婚去。
刪除升28%,恭喜哂。
刪除女神閃婚,有時真係拍過拖先知自己想要乜,所以初戀好多時都未能終老
早前陳瀅與男友何猷亨一家去睇麥當娜演唱會,離場時男友急忙叫司機,令她淋雨等車,還撐猷亨有風度…云云
刪除[賭王何鴻燊四房公子何猷亨? 有家底, 但 陳瀅 還是要睇清楚他啊]
徐子淇封肚不再追生第五胎 稱養子辛苦
刪除[笑死人, 徐子淇唔明白自己的存在價值.就.是.生.仔!!
熱爆
刪除「火爆姐」關穎怡喺立法會字字珠璣兼發人深省,點解咁霸氣?因為理直,所以氣壯囉!
https://www.facebook.com/hk.nextmedia/videos/10154142153512448/
生4個已經好夠,就算大把工人唔使自己揍,剩係陪佢地玩已經好攰,一個二個四圍走,又要陪佢地學習,如果係平常人兩個已經叫救命
刪除徐子淇個鼻,愈來愈直,畫蛇添足,好怪
刪除徐子淇個鼻,愈來愈直,畫蛇添足,好怪
刪除以前真係索到爆,而家走樣在所難免,話哂生左幾件。不過都幾怕D人整到個鼻好直,好似楊怡咁,幾古怪。
刪除1386 再報捷 +25%
刪除Cheers!
哈哈!真係要再恭喜妳,幾時先輪到我呀!!!
刪除唔怪得鍾嘉欣痛撇伍允龍8年情, 嫁得咁豪...
刪除http://hk.apple.nextmedia.com/entertainment/art/20160228/19508658?_ga=1.131634956.2093425218.1454504981
人家係脊醫,搶得大美人,當然要豪!
刪除見過真人
刪除好厚粉,有豆豆 lol
疑懷有三個月身孕的嘉欣穿上一件寬身中式裙褂及矮踭繡花鞋? 吓, 疑懷有三個月? 個肚大到呢!!??
刪除http://hk.apple.nextmedia.com/entertainment/art/20160229/19509666?_ga=1.231952412.2093425218.1454504981
嘩!嘉欣BB想生4個,真偉大,作為男人,都知道生小朋友有幾咁辛苦,都未計生完走樣嗰D表面野,個肚装住幾十磅,又隨時引發其他病,生嗰時又痛又危險,真的要為各位媽媽致敬
刪除哈哈, 唔知以為你係女人.
刪除「鍾嘉欣真情剖白與老公相識僅四天已認定對方是Mr. Right,要嫁給對方」
刪除咁拍咗拖8年嘅伍允龍係乜, 8年都白過?
醜.醜.醜
刪除中國外交官南韓演活春宮
餐廳當眾與韓女摟抱 入廁所胡混 (gathering)
http://hk.apple.nextmedia.com/international/art/20160301/19511142
咪當我傻喇…李波!
刪除唔係當妳傻,直情當全香港人係弱智
刪除呢d要喺偏廳講,勁like財爺,完全感受到佢對香港既愛
回覆刪除憑著愛
刪除沙皇李國章, 689 又.怎.會.明...唉!
財爺一向係較受歡迎的官,但千萬唔好走去選特首,否則後果已有板睇
刪除好開心7號贏左,689講好既,vote them out呢冇人聽佢講啊,惨惨猪,haha
刪除Vote鼎out,新東朋友們,多謝哂,暫時守住垃圾會,守得一日得一日
刪除公民袋今次蠃亦只係維持現狀
刪除維持現狀總好過俾建制狗搶多一席,萬一真係俾佢更改議事規則,可能好大獲。
刪除本土派到九月時,一定拿到席位的,到時行比例代表制。呢个梁天琦谈吐起码有纹有路,比班热狗强
刪除689係唔係當香港人全部都弱智架,上次已經叫林鄭成功突擊,今次換個蘇錦樑又用同一招,你估睇戲咩,加條鬍鬚戴個眼鏡就唔認得你?
回覆刪除冤家路窄,欧霸16强,曼联對利記
回覆刪除再加埋hotspur vs dortmund,牌面吸引过欧冠
曼聯今季狀態雖然差,卻偏偏食住利物浦,唔知好彩定唔好彩呢?熱刺又抽中最強既多蒙特,對英超聯不是好事,8強隨時得返一隊
刪除hotspur一定主力英超,難得咁近冠军
刪除反而雲膠耳次次剋死利記,都幾矛盾,怕佢有奇迹赢欧霸,炒唔到佢
以為自己眼花,紅魔踢得咁生,又難得有D火藥味,正!
回覆刪除我都無睇呢場大戰,諗住留力睇聯賽杯决赛,點知個app到4點半都未有全場重播,只可睇精華,失望,利物浦仲要12碼輸埋,更失望。
刪除輸十二碼都算係咁。曾幾何時,利記係盃賽專家,除咗聯賽,其他盃賽全部攞過,依家有高普,應該來年又有D料到。尋晚場波真是精彩冇冷場,攻守節奏快,就連雲高爾都上咗身咁,喺球證面前瞓低嚟投訴山齊士詐死,好過癮。
刪除老人家仲咁激,小心條大陣呀!
刪除作者已經移除這則留言。
回覆刪除"就知道是這樣,像夢一場~~"
回覆刪除聽日又要回歸現實,重歸上班嘅懷抱....
有工返 總好過 冇工返啊!
刪除952已死..
回覆刪除又未必...
刪除C姐有咩見解?
回覆刪除我只係羊生 T.T
凡事冇絕對.
刪除偉哥開咗 952 post discuss
PPW兄,大廳有師兄post左民行於內地的通告,消息幾正面,如果今週阿仙奴低埋熱刺,嘻嘻,你就好似出双糧喇。
刪除唔
刪除天氣不似預期
下周末又凍過!
講開天氣,上年三月初已經有卅度,變態,今年舒服D。
刪除都話 凡事冇絕對.
刪除偉哥都出手補貨
舊歌重溫
刪除望鄉
作詞:林桭強
作曲:Kyofumi Kakinuma
編曲:雷頌德
回憶內似是夢一場,各人和事似是仍一樣
長街上滿是熟悉人,笑容仍熱似艷陽
回憶外卻是漫天涼,處人群內也是仍孤獨
離鄉後我是異鄉人,每回頭望覺路長
*盼我家鄉朋友都快樂,而父母也健康、心舒暢
你于思海仍那麼漂亮,離別你,每天都覺漫長...
更多更詳盡歌詞 在 ※ Mojim.com 魔鏡歌詞網
如他日再聚一場,各人和事有沒仍一樣?
塗改是歲月專長,有誰能沒變樣?
Repeat *
風,它孤身走天涯,但風不需故鄉!
知不知北風吹時,願你不要著涼?
知不知心偷哭時,是你使我自強......
望鄉,我基本上無乜機會了,高位輸太多,而家只望可以輸少D
刪除一定會到攞番回鄉證架
刪除多謝Ciara姐既祝福,希望有呢一日
刪除大廳有人話我得意忘形? 我初生之犢不畏虎, 面對 stock market也曾得意忘形過.
刪除今日 絕對 絕對 絕對 要 趨炎附勢 鋤弱扶強 跟紅頂白 汰弱留強 篩選股才行.
得意忘型?人知常情啫,我都想經常得意忘型,手持隻幾日升成倍既股,我都開心到跳舞啦!
刪除買股票除左做功課,有分析能力,選股叻,EQ高之外,運氣因素亦非非非常重要,多年來試過無數次,持股長時間都唔升,點知上午放,下午就爆升,係爆升,仲要數不盡咁多次,只能话唔係我财,唔入我袋,要自己睇開D。
亞博科技(8279)獲阿里巴巴及螞蟻金服斥24億元入股及認購可換股債,攜手發展內地彩票業務~~~
刪除幾年前$0.5買過, 看看3年週線圖, v-shape 走勢, 有誰可以坐出個彩虹?
心.酸
刪除港大生跳樓亡 學生自殺半年20宗
http://hk.dv.nextmedia.com/actionnews/local/20160310/19523498/20100702?_ga=1.133445645.2093425218.1454504981
而家乜野世界,郁吓就自殺。自殺其實都需要極大勇氣,既然咁有勇氣,仲有乜野怕呢?幾大既問題都總有辦法,係自己去唔去諗啫,死只會帶給身邊人更大傷害,自私的行為。
刪除同一日衰兩樣: 952同阿仙奴
回覆刪除阿仙奴真係衰自己,難得3大爭冠對手同時失分,自己竟然主場輸俾史雲斯,唔通真係做就李城創造歷史?
刪除不過多謝利記,曼联爭前4又有一线机会 :)
刪除真係好睇過戲,前面大混戰;護级組除維拉外,另外兩個位亦有排鬥
刪除李斯特城目前形勢大好,係膽心最後5至6場,如果仍然是榜首,EQ係最大敵人,早兩年連利物浦大好形勢都係最後3場輸俾自己,何況李斯特城。不過都可以話佢地有衝冠經驗嘅,不過係英冠。
刪除利記幸得小弟詛咒
刪除當時剩六場重插利記冠軍!
為左補償你當年既過失,麻煩你下場開始每週買$10利物浦對家,咁我地一班粉絲就會原諒你。
刪除可憐下我果次輸左兩千銀啦...
刪除有健康, 什麼也有機會追得番, 也有復仇記, 總之有希望...
刪除現年71歲的資深藝人盧大偉(盧David)前日突傳罹患腸癌兼病危消息
http://hk.apple.nextmedia.com/entertainment/art/20160303/19513571?_ga=1.193100846.2093425218.1454504981
可惜,早排喺電視見到佢依然容光煥發,一樣咁攪笑,嗰日報紙見到佢幾乎唔認得。年纪大左真係要多D注重健康,唔可以成日大杯洒大塊肉。
刪除笑匠盧大偉今晨病逝 享年71歲
刪除安惜吧!盧爹域
刪除上年仲聽到佢聲音旁述(好似係)千奇百趣..
刪除