2015年12月16日 星期三

神話總有破滅時

在股市世界,久不久就會有神話出現,例如一些神仙股,短期內以倍數上升,令買中的人發夢一樣。又例如好似4月初那個神話升市,只要買落去,可能三幾日就升兩三成。不過好景不常,神話話咁快已經破滅,大家又跌返落人間,更差的甚至已經去左地獄一樣。
至於足球世界,神話亦偶有出現,講到呢度,大家都知我想講李斯特城吧!遠至上年季中打後,李城依然排在榜末位置,甚至跟第17位有一段距離,當時我自己覺得降班穩膽非李城莫屬; 然而神話就在當時開始,球隊好似食左偉哥一樣,遇神殺神,進攻吓吓一針見血,赢到你唔信,最後竟在中游位置過終點,跌到一地眼鏡,但原來只係神話既開始。
在今季開季前,領隊位置換上了曾經執教車仔的“ 暈未呀你",據說上任領隊不滿球隊能從降班邊緣逃出生天後,老闆仍不願意開水喉買人,故此一怒之下遞信走人。
踏入今季,很多人包括小弟仍不相信李城可以延續上季尾的神話,但另一個神話華D卻同時出現了,今季他的火熱狀態到目前為止從未底落過,其飛快的速度令等閒後衛只能食塵,睇住佢入波,還有連續場場入波的走勢到最近才打破,但只停了一場後又繼續有波入,如果今季最終成為神射手,便會成為繼十幾年前Philips之後另一個“弱"隊神射手了(李斯特城仲算唔算弱隊?)。
其拍擋馬列斯今季又突然爆起,他亦是速度高,有技術而且十分靈活的球員,據聞多間大會已經睇中佢,出走只是時間問題。反而華D呢類高速前鋒,以歷史上看應該不會延續太久,很多時一兩年就見底,市場價值不及馬列斯。
究竟李斯特城神話可以延續到幾時?相信雲尼亞里已經擔心緊,因為轉會市場即將重開,只要兩人其中一個被搶走,我相信其神話好大機會立即破滅,因為球隊進攻太倚重此兩子,缺一不可,大家可放長雙眼睇吓一月份會有什麼變化吧!
除了李斯,另一個神話静俏俏地已露出頭來,大家可看看屈福特射手恩哈路,唔覺唔覺聯賽已交出十個入球加五個助攻,只是鋒芒被華D搶哂,遲些少應會俾大眾留意到的。

211 則留言:

  1. 新凸能第一年都唔弱的
    End up第七
    高矮陣簡單直接

    回覆刪除
  2. 回覆
    1. 人家說富不過三代、他帶隊是強不過三年

      刪除
    2. 同球員關係唔好係領隊致命傷,個個用七八分力踢就足以玩死你。其實衰D諗,會唔會係摩佬計劃一部分,攞冠軍,續肥約,同球員鬧反,炒鱿,拎住大筆錢揾工,以他實力同名氣大把球隊搶住要。

      刪除
    3. 有可能,但以佢既性格就絕對唔會咁做。自從輸埋俾般利矛夫已預咗又係玩球員大過領隊。不過我仲存一絲希望油王一月大換血,下下咁樣換領隊唔惦。你睇費Sir 就知,當年碧咸,雲佬,史譚,話炒就炒。油王應該支持摩連奴炒Hazard, Costa 等先至係正路........

      刪除
    4. D車迷對Sunderland時叫得啱,贊同叫Costa, Hazard 同費比走!以為自己大過領隊同球會,激氣!

      刪除
    5. 揾球會成績黎鬥氣,油王又會忍得佢地,仲要炒埋領隊,咩世界呀?

      刪除
  3. 屈福特前峰真係無留意bor, 信徒兄眼利

    回覆刪除
    回覆
    1. 哈哈!因為我有玩英超領隊遊戲,
      所以較易留意到。

      刪除
    2. 依家仲有乜領隊遊戲比較流行又好玩?如果有玩就的而且確會知道多好多嘢。以前都有玩Yahoo, 屈機前鋒表表者應該係亨利,無人敢唔買!

      刪除
    3. http://fantasy.premierleague.com/fixtures/

      刪除
    4. 呢個玩左好多年,全球有三百幾萬個account一齊玩,唔錯的,你喜歡的話可以開三幾個account玩都得

      刪除
    5. 收到,謝謝,下次開番個account先!

      刪除
  4. 阿仙奴贏得big3 point
    今季由社區盾開始,對強隊既套路仲有效

    回覆刪除
    回覆
    1. 真心希望阿仙奴今季可重奪英超冠軍,唔使年年非車即曼,而且阿奴D波都算幾好睇,好過嗰D入完一球就守到尾嗰D悶蛋強隊好多

      刪除
    2. 作者已經移除這則留言。

      刪除
    3. 仲要4蛋,對手只係近況一般的修顿,今年英超真係難估到爆。相反近況勇到爆既李城又會輸俾我愛隊,仲要攻勢幾乎疸痪,首次入唔到波,利記同上兩三場比又好似換左另一班人踢咁,真係估你唔到先係利物浦,點解之前唔可以咁樣踢呢?唉!

      刪除
  5. 李斯特睇落消耗唔少
    對曼城有利。

    回覆刪除
  6. 祝各位兄弟新年快樂,股波亨通

    回覆刪除
  7. 呢個十二月忙得很,我都祝各位新年快樂,2016事事順利。

    回覆刪除
  8. 睇黎兩個月都無一個post
    放心,唔係催你。

    回覆刪除
  9. 信徒PPW兄,身處外地的我,一開電視竟有利阿"双紅"直播,你拳我腳,相當精彩!

    回覆刪除
    回覆
    1. 又唔知點解忽然用返左個舊名,在下mj tw

      刪除
  10. 上半場真係出乎意料之外咁精彩,
    估唔到唔識入波既利物浦竟然可以唔使半粒鐘就攻入兩球,可惜都係未開心完已經俾你地追返。

    回覆刪除
    回覆
    1. 哈哈,我諗住留啲伏線,唔提比數,點知原來你都係睇直播。宜家和氣收場,劇本就同上季史基頭槌一樣。Btw,我最近好同意我位利記朋友話: 利記真係遇強越強; 然後......

      刪除
    2. 都唔係最近既事,除左阿蘇大爆發嗰年,其餘時間都係差不多,總之就同賭徒既心態剛好相反。

      刪除
  11. 係道散吓...悶...氣...

    Click 去D100網台見到標題
    鄭經翰《風波裏的茶杯 :港大人不爭氣、罷課反應冷淡》

    我真感無奈…自己人也不爭氣, 唉!

    回覆刪除
    回覆
    1. 難得仲有人入來吹水,仲要係Ciara姐,
      我又介紹吓一個節目俾你聽,ibhk既東評週,內容主要鬧爆一些社會上不公義既事,主力當然係600狗既政府啦,不過都幾粗皮,唔怕就聽吓

      刪除
    2. thank you.

      《 蘋果》記者到黃大仙祠求籤…「~~~總括嚟講比2015年差」「一國兩制是一場夢」

      我地普通市民只是找定個平台吹水, 否則唔知怎過2016年>_<

      刪除
    3. 我都好希望多D人來呢邊吹吓水,那邊箱主要講股票,講得多其它野會俾人鬧,呢邊就唔同,講乜都得。

      刪除
    4. 人少有人少既好, 仲記得初初留言, 總是有一批人出來插插插, 害得我心驚胆跳. 好地地分享一隻升的股也被人插, 我嗰時留言好似exam 咁, 要睇好多次才敢交卷, 免惹罵戰.

      刪除
    5. 童話總有破滅時? 年少無知的世界 too simple and too naive.人長了就太多 grey area 人也變...要妥協才可生存.

      刪除
    6. 哈哈!討論區文化就是這樣,好似以前讀書咁,總有一些好受歡迎的同學,亦一定有一些攪事份子,四圍寸人玩人,以為好威,唔想同人嘈唯有講少句,或者一笑置之。笑,係可以化解很多煩惱的。

      刪除
    7. 收到家人來電, 親戚離世…
      幾個月前, 親人離世, 用了個多月才recovery…
      怎知今日又…
      噚日去探佢, he was in a coma.

      沉...重...

      刪除
    8. 節哀順變。
      Ciara姐近來都似乎心情麻麻,凡事要睇開D,心情唔好都會影響身體,多D揾friend 傾訴吓啦!講完點都舒服D。

      刪除
    9. 收到離世親戚的親人來電, 傾訴錐心之痛...
      我.明.白.的

      刪除
    10. 《信報》公告:曹仁超逝世 享年68歲

      [因佢爸爸的原故, 佢一向好注重健康]

      刪除
    11. 有些人離去對自己有好大打擊>_<

      曹仁超好注重健康, 他常常說: 健康=1, 隨後的零在銀碼上才有意思.沒有健康什麼也沒有.

      原來那麼注重健康的人也保不住嗰’1’...無話可說 也只有 更無話可說...

      刪除
    12. 今夕吾軀歸故土‧他朝君體也相同。
      別了…親友

      今日有點累

      好喜歡這番話「人生不如童話故事,沒有一勞永逸的結局,問題天天都多,無論工作上、私人生活等,都會不斷地出現問題,等着我們解決。有些問題重重複複,離不開那數類,有些問題較麻煩,需要多點精力。」

      http://hk.apple.nextmedia.com/realtime/finance/20160227/54805800

      刪除
    13. 心情還有點起伏…

      today, big sunshine, 希望邁向新里程^_^

      刪除
    14. 介紹妳聽陳慧嫻一首舊歌: 忘記悲傷

      刪除
  12. 作者已經移除這則留言。

    回覆刪除
  13. 祝信徒兄及各位,猴年快樂,步步高陞,身體健康!

    回覆刪除
    回覆
    1. 多謝! 祝各位兄弟姊妹萬事如意,財運亨通,身體健康。

      刪除
    2. 信徒哥及網友 身體健康.

      今日上了山頂行, 好多人又塞車

      刪除
    3. 估唔到年初一就發生旺角黑夜,唉!可能呢D就係689既任務-攪亂一直和平既香港,香港,已經變得越來越陌生

      刪除
    4. 我愛香港.
      大廳嗰邊有些人太偏頗. 拉布都是文明社會的表現.

      今日去了東涌, 支持本土消費.

      刪除
    5. 多年前家人都有提議我去外國半工讀,逃離共產社會,但自己實在唔捨得離開香港,走左人生路不熟,又無哂D朋友,感覺好孤立無援咁,結果放棄左。而家見到香港一日比一日亂,真係唔知好事定壞事。

      刪除
    6. 「人生路不熟,又無哂D朋友,感覺好孤立無援咁」~~~這種感覺我試過, 我真係試過, 我當考驗自己囉.

      刪除
  14. 隔離有人盲撐梁振英
    笑死

    回覆刪除
  15. 祝願各位新年進步,更上一層樓

    回覆刪除
    回覆
    1. 好喇好喇,終於多返一兩位兄弟上來吹水,我仲以為要摺埋添。

      刪除
    2. 股票跌
      工唔穩
      阿狗頹
      社會亂


      無心機

      刪除
  16. 香港藝人葉蘊儀:
    「唔好只睇一個電視台、唔好只睇一份報紙、唔好只聽人講,請用腦去思考為何會出現了這麼多的事發生。

    我也希望活在不荒謬的年代。

    祝福我們香港人。」

    回覆刪除
  17. 呢排都幾多唔好嘢,社會亂,股票跌到殘,返新工又忙得很,車仔炒咗the one 之後連睇波都冇乜心機。始終自己心境最緊要,不如人意事十常八九,唯有盡量用平凡心面對。

    祝大家新年時常有好心境心情,股運亨通,股票殘唯有做多D功課,香港亂就唯有自己增值爭氣。

    尋晚睇車仔都幾好吖,班波係唔同咗,如果出多D新人就仲好。

    信徒兄,希望史杜歷治出番越來越上力,對維拉入番一兩粒!

    回覆刪除
    回覆
    1. 即刻入一粒,好兆頭!

      刪除
    2. 都係想睇下史杜歷治,望佢越來越有態。佢係頭一季以超低特價千二萬鎊轉會同哨牙蘇有貨交之外,之後都傷咗成季幾2季,望佢越來越好有機打歐國都好。不過依家英格蘭前鋒有大把人,有哈利簡尼,華第等,都幾難!

      刪除
    3. 社會亂都是689 搞出嚟, 唔聽民意

      刪除
    4. 佢既表現又真是......,不過我都冇乜政治智慧去評論。講開民意,奇實李光耀講過幾段話我好認同,佢講新加坡在英國統治前後既關係我更覺得佢看局勢看得透徹,不過都係小講為妙 @_@

      刪除
    5. 難得這邊咁多人插689,等閒要過黎呢樹望下

      刪除
    6. 可以幫口插多幾野發洩吓添

      刪除
  18. 952阿仙奴
    同一晚連下兩城...

    回覆刪除
    回覆
    1. 952我都有,希望之後少D牛鬼蛇神,副隊又出山就好啦。

      李斯特城臨天光瀨尿,真刺激!兵工廠只差2分,廠迷當然開心,恭喜恭喜。

      刪除
    2. 第二將黃牌都比,就感覺到主隊有運。下場對紅魔,希望能送雲哥一程。

      刪除
    3. 熱刺班後生仔連曼城都照食,又跌眼鏡。今年D賽果真是出人意表!

      刪除
    4. 我係信徒,尋日開始個google account無端端幫我登出左,我又唔記得用邊個account登入“信徒”,攪到而家都未能用真身登入,暫時就咁吹住先,睇吓幾時記得返先再用信徒個名吧!

      刪除
    5. 講返史獨,真心要祝佢身體健康,佢D波真係好睇又好使,希望唔好打多兩場又話下季見啦!
      今季捱左咁耐,終於見到利記有返個似樣既正選11人,尤其係攻擊線上,如果今季大部分時間有咁既陣容,相信而家已經同李城爭緊榜首,難得大部分主要前列對手都同時失準,可惜自己傷兵又確實太多,只可以話欠運。

      刪除
    6. 唔記得用邊個account登入“信徒”~~~~哈哈, 咁都得. 我 google account 網名一個, 沒這問題。

      刪除
    7. 我唔係好多網名,只係之前開落幾個gmail account, 而平時電郵我係用yahoo的,所以登記左,登入左就無再理佢,又唔多識攪呢D野。之前都想開account喺雪球吹水,但攪來攪去都唔識,放棄左,哈哈!無鬼用

      刪除
    8. 哈哈,咁都得X2.
      開口又中,史獨真是想同老友韋碧踼歐國盃架:
      http://www.skysports.com/football/news/11095/10168020/daniel-sturridge-and-danny-welbeck-eye-england-euro-2016-spots

      刪除
    9. 仲想踢歐國杯,頂到十場聯赛先唸啦!

      刪除
  19. 傷心情人節!
    80後癡情女疑難堪戀情受挫,取出鎅刀自殘身體,一刀一刀鎅落手腕及大腿,似乎以肉體痛楚忘掉情痛,突然更萌死念,自刎圖死。

    {唉! 何苦呢「李白: 棄我去者,昨日之日不可留」?}

    回覆刪除
    回覆
    1. 何苦呢x2
      失戀我試過,當然好唔開心,但只係最多無乜胃口,想聽吓慘情歌喊吓發洩吓,一段時間後就會無事,又唔係太大件事啫

      刪除
  20. 我終於回復真身喇,哈哈!

    回覆刪除
  21. 嬲嬲豬>_<

    滿腔熱誠、準備就緒、養好身體…去捐血.
    怎知那抽血員入針的位置不好令我出現瘀血壓住血管出血不順, 而我體重的原故又不能即時抽2nd血, 只抽得14 ml作科研用.

    要等3.5月後才可以再去捐血, 唉!

    回覆刪除
    回覆
    1. 哈哈!另類醫療事故!
      唔緊要啦!都可以幫到醫護人員作科研,點都係一件善事。

      刪除
    2. Joe兄,尋晚車仔作客只负一比二,有一個作客入球,戰果比預計好,返主場未知鹿死誰手呀!

      刪除
    3. 信徒兄唔好意思啱啱先收工返到屋企。
      尋晚都有起身睇呀,兩隊互有攻守,節奏快好精彩!費比,威廉,巴巴同打中堅依凡等都踼得好好,就睇Hazard幾時歸位!

      其實失嗰2球米基同門神分別都有D責任,不過人哋攻擊力真是好強,依巴仲係喺禁區附近好有威脅,迪馬利亞就更加唔駛講,尾段仲放入坐後備席既,無錯係後備既栢度同卡雲尼,就俾佢搏到入多粒。下場車仔主場,真是50/50。如果車仔仲有Drogba做後備就好咯!

      刪除
    4. 嘩! 咁夜先收工,真難撈。
      我無得睇歐聯,因為無裝有線,香港人想睇波真係幾麻煩,一時now,一時有線,轉來轉去,而家仲衰,失驚無神又俾强國搶埋,香港人屋企有幾大吖,就算你咁富貴裝哂咁多個台,都要揾地方放咁多部解碼器,真係好煩。想睇吓波啫,都要咁,唉!

      刪除
    5. 尋日覆左一段野,又唔算好長,都被當垃圾留言,算啦!而家睇緊利記踢歐霸,full team出擊,似乎真係多了球隊試圖用呢條路沖擊歐聯資格,其實一樣咁難,一來要打多好多場比賽,二來對手亦很强,曼聯,熱刺,多蒙特,拿坡里,西维爾,任何一關都唔易過。

      刪除
    6. 我頂,打左兩段野都跌左落垃圾桶,激死,又唔係好長,呢個系統真係好屎

      刪除
    7. 無辦法,自己揀咗認為有挑戰性既offer, 依家真是挑戰埋自己忙碌中搵時間照顧家人同睇股票!
      利記入咗十六強喎,唔知史獨場波踢成點呢?我就等睇聽日有缐車仔大戰,唔知曼城會唔會留力。

      刪除
    8. 各位知唔知今年欧国杯那个台播

      刪除
    9. 我試過姑娘手勢唔好
      針口位瘀痛左個幾月

      我成日口痕上去捐血同呃餅食的

      刪除
    10. 呃餅食,定睇中個護士姐姐先

      刪除
    11. 定睇中個護士姐姐…x2

      今年我一定要成功捐血.

      Baggio, 我有留意你留言啊!

      永.遠.支.持.信.徒.哥)))))

      刪除
    12. 永遠支持我???真係受寵若驚,我何得何能,只係吹水佬一名。
      Ciara姐咁有善心,一定有善報。今日個市又係幾悶吓,所以偏廳呢邊熱鬧左,都有D細藝。

      刪除
    13. 偉哥「不斷熬夜」? 其實, 我地在偏廳吹水, 偉哥可以集中看業績、不用時時更新網誌、處理投訴、多休息。

      刪除
    14. 但係唔係咁多人肯過黎呢邊,始終D人想同偉哥倾多D,呢輪偉哥少左留言,連大廳留言人次都少左好多,何況呢邊。

      刪除
    15. 多谢ciara姐关注,其实一向不多留言,股票多数跟偉哥,没有特别心得就免得献醜。只不過見有d人常常share佢d政治理念,忍唔住才顶佢几句。若果呢度多d講波馬才會多討論几句。

      刪除
    16. Ciara姐留意玄学的話,可以share我在一仔看到的文章,出處是工厂大王楊耀松的公子。11月時已说今年会見14000。上个月再有詳细一些,2月4号开始至5月4是反覆升市格局,23800之上可以走货

      刪除
    17. 之后會大跌直至萬4,既然说得咁詳细可以看看是否真的。不过我唔想佢準,因为佢暗示十年後地球大大獲

      刪除
    18. 佢分享個玄学家叫李南光,在youtube有频道吹水

      刪除
    19. 十年後地球大大獲一D都唔奇,而家D問題已經浮哂上水面,北極問題,污染問題,仲有蜜蜂絕種問題,仲有好多好多,人類自己唔珍惜大自然,自然要承受惡果

      刪除
    20. 似乎係暗示核战,真係唔奇,習大大要做大事,大陸在南海的舉动,加埋内地5毛的極左唔理性,世界唯中国是尊的言論,出事是可能的

      刪除
    21. 哈哈
      窮到要呃餅食,護士姐姐唔會睇我上眼的

      刪除
    22. 信徒哥: 我推想啲人在偉哥留言覬覦其 high hit rate. 我地吹水, 偉哥都不插嘴.
      其實偉哥每一個留言都睇, 見他字裏行間就知. 仲有Danny哥, 從他的詩看得出。

      Baggio: 每人政見不同是可以, 但有些人太偏頗. 今年会見14000? 我會去看看的, 謝!

      PPW: Red cross blood 近日血庫告急, 好多人多謝您啊.

      刪除
  22. 見唔到有咩台確認左。。。

    回覆刪除
    回覆
    1. 蘋果話letv
      Diu

      點都好,上網睇。

      刪除
    2. 又樂視,咁攪法遲早俾佢玩哂。
      睇返中超D買球星手法,應該都係照習先生意願去做,攪旺個球市,只是估唔到真係有咁多星級仲要當打球員肯去啫。

      刪除
    3. 跟本就冇市場backup,轉播權都唔荒買得多$,估计3数年后打回原形

      刪除
    4. 都無計
      財雄勢大
      又肯搞同燒錢~遲D睇波真係佢玩晒
      不過佢個盒子硬件真係唔差

      刪除
    5. 不過又要装多個盒實在太麻煩

      刪除
    6. 惨,連埋letv成3个盒,人都癫

      刪除
    7. 唔好掛,乜唔係now有同letv買咗播放咩?佢15年尾話未來三季now都可以睇英超。

      刪除
    8. 英超有,其餘暫時無

      刪除
    9. 英鎊續跌 重返十算
      http://hk.apple.nextmedia.com/financeestate/art/20160224/19503360

      [飛去睇英超]

      刪除
  23. 昨天去飲,席間朋友話聽晚巴塞可大炒兵廠,但小弟有所保留,有別於過往幾年淘汰賽首回合主場例敗,自己反而預感阿記主場應可不敗,希望今次不是因情義結而抱過份樂觀啦...haha

    回覆刪除
    回覆
    1. 今場阿記主場,我都認為有得打,唔排除爆冷赢既可能,不過到巴塞主場,就另一個世界,希望今場阿記可以領先,去到西班牙再睇吓會唔會符碌過關

      刪除
    2. 有得打,仲有施治對親美斯都有運行。好似上2次對美斯都未失個波,哈!

      刪除
    3. 終於都要輸兩粒,施治幾强都敵不過宇宙最强MSN,仲有廿幾分鐘張伯倫射嗰球,真係無眼睇

      刪除
    4. 都守到71分鐘先失波
      如果唔係法明尼輸12碼
      都係輸1粒
      有所交代啦
      (利申: 巴迷 =P)

      刪除
    5. 未睇

      留返晚上看。

      刪除
  24. 樂觀啲睇,正所謂早輸早享受,可以專心爭冠仲好,下年做到種子隊,或者歐聯路可能可以走得更遠。

    回覆刪除
    回覆
    1. 係,如果呢場和左甚至赢左,下回合聯賽又要留力;而家主場輸兩粒仲好,反正去到已塞主場都無運行,頭半場搏唔到,可以留返D力聯賽爭冠,其實而家有D優勢,雖然落後兩分,但最後階段經驗十分重要,阿記比李城熱刺經驗好得多。

      刪除
    2. 真係幾失望,竟然輸俾個無英超經驗既小朋友,有邊個估到而家最後十一週,大熱Q係李斯特城搭熱刺,爆到7彩。

      刪除
    3. 英超好玩在估你唔到。唔同西甲,德甲真係闷死人

      刪除
    4. 德甲咁攪遲早變左幾年前的蘇超,永遠得兩隊單打獨鬥,而家格流破埋產,些路迪喺無對手下,水準每況愈下,好似英超咁咪幾好,未到最後都唔知邊隊冠亞季

      刪除
  25. 力.撐.溤.敬.恩

    李國章要求簽承諾書遭拒 校委開會逐馮敬恩出會議室

    http://hk.apple.nextmedia.com/news/art/20160224/19503562?_ga=1.159669438.2093425218.1454504981

    回覆刪除
    回覆
    1. 46歲的閆永明原是吉林通化金馬藥業集團董事長,曾以3.18億人民幣收購號稱「中國偉哥」的壯陽藥物奇聖膠囊,被譽「中國偉哥之父」。

      「中國偉哥之父」紐國揮霍 12年內豪賭逾15億

      閆擁有4部名車,一部法拉利、一部保時捷、一部賓利,還有一部寶馬。

      『嘩, 原來壯陽藥咁好搵架, 犀利呀!』

      刪除
    2. 一場造化?
      犀利哥程國榮風光過後 依然流浪街頭 依舊 撿垃圾吃、精神病

      http://hk.apple.nextmedia.com/realtime/china/20160224/54793132

      刪除
    3. 好可惜佢有精神病,以外型計,佢仲型過好多紅星

      刪除
    4. 1386 +18% 本小姐冇$1.23賣比佢地呀…

      《盈進(1386)要約獲近15%股權接納,公眾持股量略低於規定
      盈進集團(01386)公布,此前要約人朱曉軍收購公司股權60﹒35%,並提無條件強制現金要約。而要約已於昨日(24日)截止,接獲合共9308萬股有效接納,佔已發行股本約14﹒51%。
        要約完成後,要約人及其一致行動人士持公司合共4﹒91億股,佔股本約74﹒96%。公眾持股量為24﹒03%,低於規定;要約人及公司將採取適當措施,以將公眾持股量恢復至上市規定之最低水平。

      刪除
    5. 1386 破頂 +28% go, go, go)))))))))

      刪除
    6. 女神鍾嘉欣結婚了, 有少少似胡杏兒,一個女生在20歲時用了差不多10年時間在一個男人身上, 才懂得知道自己要什麼…閃婚去。

      刪除
    7. 升28%,恭喜哂。
      女神閃婚,有時真係拍過拖先知自己想要乜,所以初戀好多時都未能終老

      刪除
    8. 早前陳瀅與男友何猷亨一家去睇麥當娜演唱會,離場時男友急忙叫司機,令她淋雨等車,還撐猷亨有風度…云云

      [賭王何鴻燊四房公子何猷亨? 有家底, 但 陳瀅 還是要睇清楚他啊]

      刪除
    9. 徐子淇封肚不再追生第五胎 稱養子辛苦

      [笑死人, 徐子淇唔明白自己的存在價值.就.是.生.仔!!

      刪除
    10. 熱爆

      「火爆姐」關穎怡喺立法會字字珠璣兼發人深省,點解咁霸氣?因為理直,所以氣壯囉!

      https://www.facebook.com/hk.nextmedia/videos/10154142153512448/

      刪除
    11. 生4個已經好夠,就算大把工人唔使自己揍,剩係陪佢地玩已經好攰,一個二個四圍走,又要陪佢地學習,如果係平常人兩個已經叫救命

      刪除
    12. 徐子淇個鼻,愈來愈直,畫蛇添足,好怪

      刪除
    13. 徐子淇個鼻,愈來愈直,畫蛇添足,好怪

      刪除
    14. 以前真係索到爆,而家走樣在所難免,話哂生左幾件。不過都幾怕D人整到個鼻好直,好似楊怡咁,幾古怪。

      刪除
    15. 1386 再報捷 +25%
      Cheers!

      刪除
    16. 哈哈!真係要再恭喜妳,幾時先輪到我呀!!!

      刪除
    17. 唔怪得鍾嘉欣痛撇伍允龍8年情, 嫁得咁豪...

      http://hk.apple.nextmedia.com/entertainment/art/20160228/19508658?_ga=1.131634956.2093425218.1454504981

      刪除
    18. 人家係脊醫,搶得大美人,當然要豪!

      刪除
    19. 見過真人
      好厚粉,有豆豆 lol

      刪除
    20. 疑懷有三個月身孕的嘉欣穿上一件寬身中式裙褂及矮踭繡花鞋? 吓, 疑懷有三個月? 個肚大到呢!!??

      http://hk.apple.nextmedia.com/entertainment/art/20160229/19509666?_ga=1.231952412.2093425218.1454504981

      刪除
    21. 嘩!嘉欣BB想生4個,真偉大,作為男人,都知道生小朋友有幾咁辛苦,都未計生完走樣嗰D表面野,個肚装住幾十磅,又隨時引發其他病,生嗰時又痛又危險,真的要為各位媽媽致敬

      刪除
    22. 哈哈, 唔知以為你係女人.

      刪除
    23. 「鍾嘉欣真情剖白與老公相識僅四天已認定對方是Mr. Right,要嫁給對方」

      咁拍咗拖8年嘅伍允龍係乜, 8年都白過?

      刪除
    24. 醜.醜.醜

      中國外交官南韓演活春宮
      餐廳當眾與韓女摟抱 入廁所胡混 (gathering)

      http://hk.apple.nextmedia.com/international/art/20160301/19511142

      刪除
    25. 唔係當妳傻,直情當全香港人係弱智

      刪除
  26. 呢d要喺偏廳講,勁like財爺,完全感受到佢對香港既愛

    回覆刪除
    回覆
    1. 憑著愛

      沙皇李國章, 689 又.怎.會.明...唉!

      刪除
    2. 財爺一向係較受歡迎的官,但千萬唔好走去選特首,否則後果已有板睇

      刪除
    3. 好開心7號贏左,689講好既,vote them out呢冇人聽佢講啊,惨惨猪,haha

      刪除
    4. Vote鼎out,新東朋友們,多謝哂,暫時守住垃圾會,守得一日得一日

      刪除
    5. 公民袋今次蠃亦只係維持現狀

      刪除
    6. 維持現狀總好過俾建制狗搶多一席,萬一真係俾佢更改議事規則,可能好大獲。

      刪除
    7. 本土派到九月時,一定拿到席位的,到時行比例代表制。呢个梁天琦谈吐起码有纹有路,比班热狗强

      刪除
  27. 689係唔係當香港人全部都弱智架,上次已經叫林鄭成功突擊,今次換個蘇錦樑又用同一招,你估睇戲咩,加條鬍鬚戴個眼鏡就唔認得你?

    回覆刪除
  28. 冤家路窄,欧霸16强,曼联對利記
    再加埋hotspur vs dortmund,牌面吸引过欧冠

    回覆刪除
    回覆
    1. 曼聯今季狀態雖然差,卻偏偏食住利物浦,唔知好彩定唔好彩呢?熱刺又抽中最強既多蒙特,對英超聯不是好事,8強隨時得返一隊

      刪除
    2. hotspur一定主力英超,難得咁近冠军
      反而雲膠耳次次剋死利記,都幾矛盾,怕佢有奇迹赢欧霸,炒唔到佢

      刪除
  29. 以為自己眼花,紅魔踢得咁生,又難得有D火藥味,正!

    回覆刪除
    回覆
    1. 我都無睇呢場大戰,諗住留力睇聯賽杯决赛,點知個app到4點半都未有全場重播,只可睇精華,失望,利物浦仲要12碼輸埋,更失望。

      刪除
    2. 輸十二碼都算係咁。曾幾何時,利記係盃賽專家,除咗聯賽,其他盃賽全部攞過,依家有高普,應該來年又有D料到。尋晚場波真是精彩冇冷場,攻守節奏快,就連雲高爾都上咗身咁,喺球證面前瞓低嚟投訴山齊士詐死,好過癮。

      刪除
    3. 老人家仲咁激,小心條大陣呀!

      刪除
  30. 作者已經移除這則留言。

    回覆刪除
  31. "就知道是這樣,像夢一場~~"
    聽日又要回歸現實,重歸上班嘅懷抱....

    回覆刪除
  32. C姐有咩見解?
    我只係羊生 T.T

    回覆刪除
    回覆
    1. 凡事冇絕對.
      偉哥開咗 952 post discuss

      刪除
    2. PPW兄,大廳有師兄post左民行於內地的通告,消息幾正面,如果今週阿仙奴低埋熱刺,嘻嘻,你就好似出双糧喇。

      刪除

    3. 天氣不似預期

      下周末又凍過!

      刪除
    4. 講開天氣,上年三月初已經有卅度,變態,今年舒服D。

      刪除
    5. 都話 凡事冇絕對.

      偉哥都出手補貨

      刪除
    6. 舊歌重溫

      望鄉

      作詞:林桭強
      作曲:Kyofumi Kakinuma
      編曲:雷頌德

      回憶內似是夢一場,各人和事似是仍一樣
      長街上滿是熟悉人,笑容仍熱似艷陽

      回憶外卻是漫天涼,處人群內也是仍孤獨
      離鄉後我是異鄉人,每回頭望覺路長

      *盼我家鄉朋友都快樂,而父母也健康、心舒暢
      你于思海仍那麼漂亮,離別你,每天都覺漫長...
      更多更詳盡歌詞 在 ※ Mojim.com 魔鏡歌詞網

      如他日再聚一場,各人和事有沒仍一樣?
      塗改是歲月專長,有誰能沒變樣?

      Repeat *

      風,它孤身走天涯,但風不需故鄉!
      知不知北風吹時,願你不要著涼?

      知不知心偷哭時,是你使我自強......

      刪除
    7. 望鄉,我基本上無乜機會了,高位輸太多,而家只望可以輸少D

      刪除
    8. 一定會到攞番回鄉證架

      刪除
    9. 多謝Ciara姐既祝福,希望有呢一日

      刪除
    10. 大廳有人話我得意忘形? 我初生之犢不畏虎, 面對 stock market也曾得意忘形過.

      今日 絕對 絕對 絕對 要 趨炎附勢 鋤弱扶強 跟紅頂白 汰弱留強 篩選股才行.

      刪除
    11. 得意忘型?人知常情啫,我都想經常得意忘型,手持隻幾日升成倍既股,我都開心到跳舞啦!
      買股票除左做功課,有分析能力,選股叻,EQ高之外,運氣因素亦非非非常重要,多年來試過無數次,持股長時間都唔升,點知上午放,下午就爆升,係爆升,仲要數不盡咁多次,只能话唔係我财,唔入我袋,要自己睇開D。

      刪除
    12. 亞博科技(8279)獲阿里巴巴及螞蟻金服斥24億元入股及認購可換股債,攜手發展內地彩票業務~~~
      幾年前$0.5買過, 看看3年週線圖, v-shape 走勢, 有誰可以坐出個彩虹?

      刪除
    13. 心.酸

      港大生跳樓亡 學生自殺半年20宗
      http://hk.dv.nextmedia.com/actionnews/local/20160310/19523498/20100702?_ga=1.133445645.2093425218.1454504981

      刪除
    14. 而家乜野世界,郁吓就自殺。自殺其實都需要極大勇氣,既然咁有勇氣,仲有乜野怕呢?幾大既問題都總有辦法,係自己去唔去諗啫,死只會帶給身邊人更大傷害,自私的行為。

      刪除
  33. 同一日衰兩樣: 952同阿仙奴

    回覆刪除
    回覆
    1. 阿仙奴真係衰自己,難得3大爭冠對手同時失分,自己竟然主場輸俾史雲斯,唔通真係做就李城創造歷史?

      刪除
    2. 不過多謝利記,曼联爭前4又有一线机会 :)

      刪除
    3. 真係好睇過戲,前面大混戰;護级組除維拉外,另外兩個位亦有排鬥

      刪除
    4. 李斯特城目前形勢大好,係膽心最後5至6場,如果仍然是榜首,EQ係最大敵人,早兩年連利物浦大好形勢都係最後3場輸俾自己,何況李斯特城。不過都可以話佢地有衝冠經驗嘅,不過係英冠。

      刪除
    5. 利記幸得小弟詛咒
      當時剩六場重插利記冠軍!

      刪除
    6. 為左補償你當年既過失,麻煩你下場開始每週買$10利物浦對家,咁我地一班粉絲就會原諒你。

      刪除
    7. 可憐下我果次輸左兩千銀啦...

      刪除
    8. 有健康, 什麼也有機會追得番, 也有復仇記, 總之有希望...

      現年71歲的資深藝人盧大偉(盧David)前日突傳罹患腸癌兼病危消息

      http://hk.apple.nextmedia.com/entertainment/art/20160303/19513571?_ga=1.193100846.2093425218.1454504981

      刪除
    9. 可惜,早排喺電視見到佢依然容光煥發,一樣咁攪笑,嗰日報紙見到佢幾乎唔認得。年纪大左真係要多D注重健康,唔可以成日大杯洒大塊肉。

      刪除
    10. 笑匠盧大偉今晨病逝 享年71歲

      刪除
    11. 上年仲聽到佢聲音旁述(好似係)千奇百趣..

      刪除