2015年8月24日 星期一

阿仙奴 vs 利物浦

很榮幸有機會於偉哥的網誌發表文章,
我會盡量寫一些自己比較熟悉的話題,
跟大家一起討論,消磨一下時間。

坦白講,小弟只是初次寫網誌,
文筆亦不會如偉哥或一衆師兄般流暢,
歡迎大家給我一些意見,
我會樂於接受並加以改善。

言歸正轉,今晚英超大戰,
有我一直支持的利物浦,
作客挑戰今季其中一支冠軍大熱門阿仙奴。
經過兩週賽事,相信大家會認同無論阿仙奴
或是利物浦,均未在最佳狀態。
先談談阿仙奴,外間很多傳聞謂兵工廠
希望於前鋒位置補強,目標直指賓斯馬,
怎至近兩天傳出的卡雲尼,兩人當中只要
任何一人加盟,都會對阿軍鋒力大大增強,
挑戰英超冠軍已不再是夢,但到今日為止,
我相信其中一人加盟的機會都不會太大。
以現今兩名前鋒計,基奥特我認為在英超已
是一個合格有餘的前鋒,只是未到可一人扭轉
局面的級數而已。至於韋碧克,
亦是合格有餘的.......後備。以現時狀態,
我認為阿仙奴跟top fit 會有一段距離,
讓對手有機可承。

至於我愛隊利物浦,相信大部分利迷都會對
領隊羅渣士有所不滿,我本人立場就不至於完全
將球隊的成績不佳,怪罪於領隊,
他的責任當然有,
但一般球迷只可於網上找尋一些資訊,
去了解球隊的一切,但實情又如何,
如買賣球員的失誤,真的完全入哂領隊數?
我會有所保留。
大家都會知老闆亨利哥買入利物浦時,
替羅渣士引入一隊“好幫手",
一隊轉會小組的工作,是根據大量的球員數據,
球員價格等資料,替球隊買入一些球員給領隊使用,
引致部分球員根本不是羅sir杯茶,
直接影響球隊成績。
今季引入的球員,相信必然比上季的來得實用,
出過場的大多對辦,希望夾多幾場後,
配合復出的史獨,可打出悦目的進攻足球,
一爭前四。

如果兩隊都在最佳狀態,
相信利物浦不會是阿仙奴對手,
但以目前狀況,韋斯咸亦可偷到雞,
如今晚利記有分落袋,亦不會是痴人說夢話吧,
我看今場是64波,希望利記爆冷成功!


27 則留言:

  1. "股災"令睇波嘅意慾都降低了,尤其在凌晨時分。個人認為今晚比賽應頗為膠著,而主觀相信阿記有力一球小勝。

    信徒兄寫得不錯,支持加油!

    回覆刪除
  2. 信徒兄好波!我都希望利記可以攞分。
    個人唔係咁信兵工廠肯大手筆買入卡雲利或賓斯馬,兵工廠喎,雲加捨得咩?!

    回覆刪除
  3. 可能自己寫作能力較差,寫一篇咁既文章,
    已經花左接近一小時,多謝偉哥平時每天
    都為大家寫文章,自己做過先知道有幾辛苦,
    所以希望有時間就間中為偉哥出一分力,
    讓偉哥可全力寫財經分析吧!

    回覆刪除
    回覆
    1. 不錯喎。寫得不錯呀!不過我係熱刺迷...haha

      刪除
    2. 好波喎!以後多D來!

      刪除
    3. 仲要叫多D人來一齊吹,
      呢度實在太静了

      刪除
  4. 信徒兄,好波。雖然無睇波好耐也多得你喚醒我對足球興趣。

    回覆刪除
    回覆
    1. 咁睇多幾埸波,得閒入來吹返兩咀啦,
      呢度需要熱鬧D,好過成日睇住D股價,
      尤其係熊市

      刪除
    2. 其實什麼市況都唔會騷擾我對所有觀賞運動嘅熱情。記起當年睇英國足總杯決賽,當有入球全楝大廈都同一時間聽到歡呼聲及噓聲,剎時過引。

      現時世代唔同咗,太多其他節目。足球好難像以前般單一投入了。

      刪除
  5. 支持下信徒兄先。我相信教授一定會買人的,零晨埸波暫時未睇,收工後會看重播,不過我對賽果滿意,因為這樣才會加快佢買人意欲。

    回覆刪除
    回覆
    1. 尾段要打破僵局時,竟然用禾仔入替基佬打正前而不是狀態下滑的山神,由此行為看,教授應沒有買前峰的打算了。或者說,沒來一場大敗,難以動搖曾作個幾萬次調動的教授買人決定。

      刪除
    2. 作為廠迷,應該尊重教授每一個決定,因為酋長球場真係由他一手建成。

      刪除
    3. 作為廠迷,當然會支持教授,而我會說的是現在的我可能會更欣賞好的戰術、好的調動,如上年車仔往年費sir~~ 只是愛之心,狠之切 - no offense

      刪除
  6. 尋晚我睇左最後十五分鐘, 就係剛剛IBE出場個段時間
    睇黎今季仍然唔應該俾佢打正選, 無論心態,技術, 戰術領略程度上都唔合格
    後防黎講, 史基圖真係殺左好多波, 基尼真係一個好好既收購...
    對於賽果, 0:0 絶對收貨

    回覆刪除
    回覆
    1. 完全同意,唔好漏左米佬多番精彩撲救,
      睇完上半場,赢唔到3:0都唔滿意,
      再睇下半場,0:0 收貨了

      刪除
    2. 各打半場好波,利記能拿一分,絕對配得上。

      刪除
  7. 無聊留言,題外話~~

    昨天這個時間因夜訓,看見now670直播傑志亞協杯八強,但看到科威特球隊勁到無朋友,上半場輸兩球就訓著左,埋單派4隻旦。

    旁述中間提到,原來這枝科威特sc上一次對嘅香港隊就係南華,當時亞栛4強,雖然埋單3:1出局(其實當時有李海強嘅南華係有得打),但值得令人回味嘅係大球場指1994年後,該場4強比賽再一次坐滿3萬幾4萬人(不計表演賽),而當晚小弟都有入場觀看。

    想講嘅係氣氛好嘅球賽真令人懷緬,希望今年南華能在亞協走得更遠,雖然這幾年傑志的實力明顯地比較強,可惜欠運。

    回覆刪除
    回覆
    1. 當年南華仲有畢時同基士文,
      都被人有好高期望,可惜兩人年輕事已高,
      所以最終都沒有打出令人興奮的表現。
      傑志已是近年本地最强球隊,
      都竟然被炒半打,可見香港球隊水準之低,
      當時科威特球隊一向高水平,
      希望今年米路回歸南華,
      引起入的巴西兵可帶動球隊打出高質素足球吧!

      刪除
    2. 唔係好清楚而家香港職業波一日練幾多課
      其他水平較為好既國家,好多都係兩課,
      我之前睇新聞有講D香港職業球員反對練兩課, 水平又點會高呢

      刪除
    3. 不寄望有高質素,只期望有好氣氛,就好似明知香港隊作客無得打,都有千人願意買飛返大陸睇"中港大戰"。

      刪除
    4. 科威特SC係勁, 但傑志本身自己都有好大問題
      當南華早一晚作客馬來西亞都擺三防中既時候, 傑志竟然照踢單防中同人對攻
      而且傑志近年班底比較側重入藉球員, 但亞協既條例係呢班球員要有特區護照先可以踢 (佢地仲未係個個都有)
      結果就係個晚既後備席坐左幾個港超都未亮相過既年輕球員, 想變陣都冇得變

      刪除
  8. Viktor Fagerström @ViktorFagerLFC 29s29 seconds ago
    Markovic set to join Fenerbache on loan. #LFC are adamant Markovic has a long-term future at the club. (Dom King)

    馬高域最終都被借走左, 我自己個人非常睇好佢, 只不過係羅渣士手下成日打錯位,又唔係俾好多機會佢, 借左出去通常都無回頭, 有回頭之時我希望羅渣士都走埋

    回覆刪除
    回覆
    1. 我都好鍾意馬高域,幾有球味道,
      不過小道消息話佢操練表現及態度麻麻,
      可能因此羅sir覺得佢要磨練下先,
      羅生講過馬高域喺佢長遠計劃[內,不會賣,
      希望出去有好表現,可以返來爭下位,
      話時話,将一個攻擊中場放去打翼衛真係九唔搭八

      刪除
    2. 我講明我對BR係有極大偏見
      無論佢係排陣,買人,用人各方面我都唔認為佢值得搵5M一年

      刪除
    3. 哈哈,信徒兄,不要相信領隊的語言藝術,借得出去嘅除非係後生仔,否則十居其9.5都已是被放棄了,情況如云加口中的c贊c尼。

      刪除
    4. 話雖如此,但呢件覺有潛質,
      我暫時仍覺得佢有機會回歸的

      刪除