2015年8月28日 星期五

談談歐聯抽籤

雖然愛隊利物浦今年未能出席歐聯,
但都花些小時間寫寫今年的抽籤後情況。

首先睇睇各分組如下:

A組:巴黎聖日耳門、皇馬、薩克達、馬模

B組:燕豪芬、曼聯、莫斯科中央陸軍、禾夫斯堡

C組:賓菲加、馬德里體育會、加拉塔沙雷、艾斯坦拿 

D組:祖雲達斯、曼城、西維爾、慕遜加柏

E組:巴塞隆拿、利華古遜、羅馬、巴迪

F組:拜仁、阿仙奴、奧林比亞高斯、薩格勒布戴拿模

G組:車路士、波圖、基輔迪納摩、特拉維夫馬卡比

H組:辛尼特、華倫西亞、里昂、根特

今年分組方式有別於往年,第一檔次球隊必須為聯賽冠軍,
以致有很多强隊都跌入了第二檔次,
如皇馬,曼聯,阿仙奴,馬體會,曼城等,
都有一定實力。抽籤前大家都期待有一至
兩組可能會出現死亡之組。而且歐聯抽籤一向都會出現一些
有話題性的“巧合",如球員倒戈,强強對壘,或者有些球隊連續兩年同組等等,令大家茶餘飯後多個話題,提高睇波的興趣。

好了,抽籤結果出來了,相信阿仙如跟曼城兩隊英超强隊,
會較為頭痛,前者再一次面對老對手拜仁,
而第三檔次的奥林比亞高斯,記憶所及亦多次跟兵工廠
於歐聯碰面,並互有勝負,相信又要艱苦地爭次名出線了。
至於曼城,同組最強對手當然為上屆亞軍祖雲達斯,
而第三檔次的西维爾亦是一件豬頭骨,隨時啃喉嚨,
想爭出線必須打醒十二分精神。

其餘組別,A組的PSG跟皇馬相信出線應無難度。
B組曼聯應隱奪出線權,另一席位如由任何一隊奪得都
不會奇怪。
C組方面,馬體會實力較為突出,另一個名額估計都是
 賓菲加機會較大。
E組巴塞一支獨秀,利華古遜跟羅馬又要爭餐死了。
G組有兩支不明物體,未能評論,而車路士跟波圖
歐戰經驗豐富,不輕敵的話,應可齊齊出線。
H組又有一支新面孔根特,其餘三隊只有辛尼特實力
稍高些小,隨時有意外戰果出現。

如今在分組形勢上,相信熱門球隊大部分都應可進入淘汰賽,故喜歡冷門的球迷,可向D組及H組埋手,
可能會有意外收獲。

50 則留言:

  1. 我對兵工廠出線16強原全沒有懷疑,但出了線又如何呢?還是打好聯賽算啦。

    回覆刪除
    回覆
    1. Tak兄,說不定今年會有驚喜呢,哈哈。
      晉級後不會對拜仁,若保守些,小組得第二,如果不是抽中西甲雙雄,以兵工現時實力,晉級八強機率應可大於一半,好運些,抽得好線,4強也不是無機會。

      刪除
  2. 嘩! 每一關都價值連城㗎,
    過得一關得一關啦!

    回覆刪除
    回覆
    1. D 組應該祖記同曼城啦。

      刪除
    2. 唔好睇少西維爾,可能係蕉皮黎㗎

      刪除
  3. 心想,到底今星期會不會信徒兄又寫野同寫咩呢?結果就寫歐聯,寫得好詳盡。個人認為今年藍月雖再一次放死亡之組,但應可吸取多年經驗,打入破分組出局宿命。

    回覆刪除
    回覆
    1. 如果再好似做神功戲咁,寫完無乜人睇,
      真係會影響寫野的興趣,
      如果睇完覺得還是可以幫到大家解下悶的話,
      可以介紹D朋友入黎睇吓怎至一齊傾,
      熱鬧的,寫都寫得開心D,積極D。

      刪除
    2. 支持,可能有好多CD-ROM 呢。D,F組好惡啃,D組西維爾係上屆Europa League冠軍,支德國隊上年聯賽攞第三架。至於車仔嗰組,一個字,正!

      刪除
    3. 就係連CDRom都唔多先至有D失望

      刪除
    4. 謝謝信徒, 最近公司忙,又多業績要看,所以暫時無法參與太多呢邊的討論,全靠你發文更新,謝謝。

      刪除
    5. 偉哥,講呢D,你幫左大家咁多,
      我只係幫手吹吓水啫

      刪除
  4. D組真係死亡之組,無一隊一定出硬缐⋯⋯
    紅魔個都有暗湧;

    回覆刪除
    回覆
    1. 西維爾拖祖,曼。红魔鬼應該冇問題的。

      刪除
  5. 非常精彩的上半埸,但對禾仔及賽果非常失望。

    回覆刪除
    回覆
    1. 嗰球埋門執死雞直頭唔合格啦,我唔熟兵工廠,但感覺禾確特呢2年走咗下坡。

      刪除
    2. 兩兄弟(基佬,禾仔)都吾係世界級前鋒,btw3分已袋,但我連續4場買2:0,3:0都輸左,我吾信中吾到你。

      刪除
    3. 為了留著禾仔,不惜要比佢踢前鋒,機會比其他球員多,但願他能爭氣。

      刪除
    4. 禾仔想爭氣但力有未逮,已過了高峰期了,又傷患太多。只希望教授早日作出決定。

      刪除
  6. 你下場買1:0 囉,話唔定整返埸3:0俾你開心下

    回覆刪除
    回覆
    1. 信徒兄,我下次買1:02:03:0,跟住會穿洞開個2:1,哈哈。

      刪除
    2. 同埋我除了支持愛隊之外好小賭波馬。赌了多年波馬已戒。

      刪除
    3. 以過來人身份講幾句,
      赌波赌馬其實只可視為娛樂,長賭幾乎必輸,
      以前有個朋友,死要話賭馬唔係赌錢,
      係投資,因為係有回報的,
      他連什麼叫投資都攪唔清楚,
      又自信心爆棚,唔聽人講野,唔聽人勸告,
      結果終日沉迷賭博,
      波, 馬,股,六合彩無一不歡,
      其實我都有很多年賭博(波、馬)經驗,
      換來的就是知道最後赢嗰個必定係莊家,
      十個賭仔可能只有一個長線係赢的,
      只是大家都覺得自己有機會做嗰一個吧!
      自己已經唔賭了,有時會睇下,同朋友傾下,
      一樣開心

      刪除
  7. 利記呢場買2:0,3:0啦,
    有錢收㗎啦

    回覆刪除
    回覆
    1. 嘩,3:0?利記隊長傷咗,對韋斯咸好有信心喎!

      刪除
    2. West ham你真係估佢唔到

      刪除
    3. 原來係對面2:0,3:0,
      今年韋斯咸咁係幾年前既保顿,
      搶左强隊分派俾下游隊伍。
      上場先同D friend讚Lovren,
      點知呢場即刻C朗上身,
      推上前場插花嗰下真係.....,
      出哂事

      刪除
    4. 唉!下場作客死敵曼聯,
      無埋古天奴,法明奴要打出身價了

      刪除
    5. 車仔我都估佢唔到,除了法比仔同夏沙特繼續態沈,今場連馬迪,威廉士都唔惦。後防伊凡勞域繼續任人過任人予取予攜,幾時肯換志?!4場失9球應該差首位8分,成隊波有D唔對路

      刪除
    6. 水晶宮真係好難攪㗎,不過車仔簽左柏度,
      上場又要對辨,又有主動場,
      唸住都可以少勝,點知同利記一齊PK

      刪除
    7. 上場對阿記,法明奴還未成氣候,利迷難寄望矣~~

      刪除
    8. 想取分真憑,要早的對利記及車仔⋯⋯
      講番我隊熱剌,卡尼啞晒火,唔通得一年貨仔

      刪除
    9. 查實利迷只係想要一隊有FORM, 有戰術既球隊
      但睇左三年,羅渣士係無可能實現到呢樣野
      唔明點解芬威仲支持佢...

      刪除
  8. 唔知大家會唔會睇波聽評述員,我都會。有時會覺得有啲評述員有意無意有啲偏見。好似現在台李x基咁,可能係因為佢係紅魔鬼fans, 所以我覺得有時佢講其他球隊會有小小偏見,尤其是車仔,成日衰既講到盡,對我嚟講好銀耳!

    回覆刪除
  9. 作者已經移除這則留言。

    回覆刪除
  10. 李榮基把声好難聽。講波波至Like何輝,至烦果个係丁偉傑,只不过係資料報導員

    回覆刪除
    回覆
    1. 我就最憎菜肉魚,成日9 up講癈話,吾知點解次次早場都聽到佢把死人聲。

      刪除
    2. 何輝like; 另外冷門啲,之前睇傑志亞協8強,果場單人評述嘅評述員都講得唔錯,因為單人講好難唔單調; 再冷門啲,其實上兩年亞視播波,有個後生仔講波把聲好似籃球翁金華,都算令我記得。

      刪除
  11. 作者已經移除這則留言。

    回覆刪除
  12. . 唉,對面入波好似佢入波咁. 何輝當然好!

    回覆刪除
  13. 小弟下月中第一次日本中部自驾由名古屋出發,經下呂,白川鄉,高山,富山,立山黑部,請問各位c兄c姐條路好走嗎?有冇人走過呢條路線?

    回覆刪除
  14. 今晚真心希望我想佢留隊的門神法比安斯基可保持清白,打倒曼聯。

    回覆刪除
    回覆
    1. 作者已經移除這則留言。

      刪除
    2. 作者已經移除這則留言。

      刪除
    3. 朗尼慢哂拉,其实费Sir好勁,两年前已经睇到,想趁好价賣走
      呢d米價值投资囉

      刪除
    4. 雲加真係睇漏眼,法比安司機過左史雲斯,
      大部分時間都表現出高水準

      刪除
    5. Baggio, 雖然我唔鍾意費蛇,
      覺得佢於英超影響力太過大,
      但真心覺得佢係有料到的

      刪除
    6. 一早覺得佢好過ccc尼,不過係年紀大過佢先冇得留底。

      刪除
    7. 以前曼聯真的好勁,簡察c基,簡東那,沙柏(傑斯),堅尼,舒米高,等等。到之後7小福加雲達沙真的係無敵。

      刪除